Walîyê Dîyarbekirî Munır Karaloglu xebatanê rayîrî ya ke Şaredarîya Girdî qezayanê Erxenî û Peyas de domnenê, sehna.

Serekîya Dayîreyê Ciewnîyayiş û Viraştişê Rayîr û Koordînasyonê Binawanîye Şaredarîya Bajarê Girdî ya Dîyarbekirî serra 2021 de hedef kerdbi ke rayîrê taxan rê 200 kîlometre asfalt robikerê. Ekîbê şareadrî goreyê hedefe xo qezaya Pasûrî ra heta Şankuşî 11 nuqte de xebata asfaltkerdişî domneno.

10 hezar hemwelat îstîfade bikerê

Ekîban rayîrê Baykara, keklık, Tılkılık, û Han de xebata rayîrî dabi dest pêkerdene û ina xebate ra pêroyî de 10 hezar hemwelat îstîfade bikerê.

Walî Karaloglu xebatanê Erxenî û peyasî ca de sehna. Karalogluyî derehqê xebatan di agahî girewt û wina vat: “ Ma 12 taxê ke Erxenî û peyasî ra girêdayîye de 12.3 kîlometreyin xebata asfaltkerdişî da dest pêkerdene û ina xebate ra pêroyî de 10 hezar hemwelat îstîfade bikerê. Ma wazeme ke demêko kilm de xebatanê xo temom bikerê û Ma do emser 200 kîlometre rayîr de xebata asfaltkerdişî bivirazê. Rayîrê taxan 17 qeza de pêroyî de 6 hezar kilometre yo. Ma pê ina xebate rayîrê taxan se ra yew newe kene. Eke ma 3-4 serrî sey nika bixebitê ma eşkenê heme rayîranê xo asfalt bikerê.”