Walîyê Dîyarbekirî Munır Karaloglu, baret daye sarê xo û mirç û çakuç girewt tewrê xebata restorekerdişê bircan bî.

Şaredarîya Bajarê Girdî ya Dîyarbekirî bircanê ke Lîsteya Mîrasanê Dinya yê UNESCO de ca gênê bipawo xebata restorasyonî dabî dest pêkerdiş.Walîyê Dîyarbekirî Munır Karaloglu, Sekreterê Şaredarîya Girdî Ayhan Kardan û serekê dayîreyan reyde pîya xebatanê ke uca de dewom kenê sehna. Karaloglu baret daye sarê xo û mirç û çakuç girewt tewrê xebata restorekerdişê bircan bî û Karaloglu pêynîya xebatan de xebatanê Birca Bize zî sehna.

Karaloglu gedeyan ra ameyî têhet

Serekîya Dayîreyê Park û Baxçeyan ke hedef kenê bînayê îdarî awan bikerê, Karalogluyî xebatanê uca ca de sehna û Karalogluyî badê, xebata viraştişê Bulvarê Lale yo ke 860 metre dergi û 50 metre hîreyî de yo hetê Serekîya Dayîreyê Civiraştiş û Ewnîyayişê Rayîr û Koordînasyonê Binawanîye bêro viraştiş wekenit û badê Karalogluyî hem xebata peyzajî ya ke Cadeyanê Cimbelî û Hîlar de dewom kene hem zî xebatanê ke Bulvarê Elazîzî û Mezopotamya dedewom kenê sehna û derheqê xebatan di agahî girewt.

Badê Karaloglu pê şarê Zumrutkentî 4 Sîte reyde ameyî têhet û înan ra eleqeder bî û goş na derd û waştîşanê înan. Karaloglu gedeyan reyde parke sîte de kay kerd û gedeyann ra zaf eleqeder bî.