Qezaya Baxlarî Taxa Kaynartepe pê Qerarnameyê Serekkomarî sey cayanê riskin ameybi îlankerdiş aye ser o Şaredarîya Girdî çarçiwa xebata peyseragêrayişê bajarvanî de etaba sifte pê weşonayişê keyayan ewro dest pêkerd.

Walîyê Dîyarbekirî Munır Karaloglu xebata peyseragêrayişê bajarvanî ya Kaynartepe de qalîkerd û bal ont giringiya ina xebate.Karalogluyî da zanayene ke Taxa Kaynartepe 26ê Elule 2020 de pê Qerarnameyê Serekkomarî , Rojnameyê Fermî de sey cayê riskin aşkera kerd û na ser o zî Wezaretê Dormeleyî û Wezaretê Vurîyayişê Îklîmî dest Pê xebatan kerd û netîceyê xebatan di etabo sifte de 54 donim ca bêra îstîmlakkerdiş.

Karaloglu : “Ma ina mintiqa de 375 bîna û 1365 wayîrê heqî tespit kerd û bade Şaredarîya Baxlarî Ofîsê Peyseragêrayişî ronayî.Badê wayîrê heqî reyde pêvînayiş virazîya.hetanî nika 602 hemwelatê ma reyde pêvînayiş virazîya. Nêzdîyê 100 hemwelatê ma qayîl bîyî û dewrê tapuyan virazîya.Ma do ewro 8 bînayê tîya weşonê û Peyseragêrayişê Bajarvanî ya Kaynartepeyî bideme dest pêkerdiş.”

Karalogluyî kîfş kerd ke Wezaretê Dormeleyî û Vurîyayişê Îklîmî planlamayê Peyseragêrayişî ya Kaynartepe qedînayo û pê qedînayişê weşonayişê binateyan xebata awankerdişî zî pê lezkanî dest pêbikero.Karalogluyî îzeh kerd ke peyseragêrayişê tîya ca de peyseragêrayişî ya û aye ra hemwelatÎyan eşkenê keyeyê xo zî bigîrê û taxa xo de bimanê û kesê ke wazenê zî heqê îstîmlakkerdişî bigîrê.

Karaloglu : “Binateyê tîya bê endezyarî pê îmkananê hemwelatîyan ameyê viraştiş. Aye ra kuçe û cadeyê înan çina.Ma tîya de nêeşkenê ke weşî û ganê hemwelatê xo bipawê.Çimkî ne ambulans eşkenê dekewe tîya ney zî îtfaîya. Eke tîya biqedêyo hemwelatê ma bibê heme îmkananê bajarvanî.”

Karalogluyî kîfş kerd ke cîya cîya cayon de zî xebata peyseragêrayişî dewom keno û Taxê Fîskaya,Dîcle û Ferıtkoşk de zî hemwelatîyan reyde xebata pêamayişî dewom keno.

Karalogluyî vîr vîst ke dor û vere sûran pê 4 etap ameya akerdiş. Karalogluyî îzeh kerd ke hemwelatîyan nê xebatan diz af desteg dane şaredarîyan û bade wina vat : “Hemwelatê ma Nê xebatan diz af desteg dane ma û hetê ma gênê. Ma teyna wazeme ke hemwelatê ma cayêko Hîna qalîteyin de bicuwê.Qutûbir ma do hemwelatê xo mexdûr mêkerî. Hemwelatê ma zî ma rê bawerî bikerê û desteg bidê ma. Ma wazeme ke lezkanî ina xebate temom bikeme. Teyna Baxlarî de nêy taxanê Peyas,Sûr û yenîşehrî de zî îxtîyacîyê peyseragêrayişê bajarvanî esta. “

Program rê Parlementerê AK Partî Ebubekır Bal,Şaredarê Baxlarî Huseyın Beyoglu, Serekê Ak Partî yê Bajarî Muhammed Şerıf Aydın û Serekê AK Partî yê Baxlarî Ahmet Maruf Demır û midurê sazgehan û hemwelatîyan beşdar bîyî.