Şareadrîya bajarê Girdî ya Dîyarbekirî semedo ke gedeyî tehtîlê amnonî û wextê xo yê veng weş bivîyarnê cîya-cîya kursan akeno.Kursê şaredarî ra do 11 hezar û 400 gedeyî îstîfade bikerî.

Şaredarîya Bajarê Girdî ya Dîyarbekirî, dema perwerdeyîya serre 2020-2021 de pê Banê Zanayişî, Akademî Lîse û Yurdê Kênayan de semedo ke piştgirîyê bide pewrerdeyê gedeyan xizmetê pewerdeyê rûqal û online da.

Serekîya Dayîreyê Xizmetanê Ciwan û Sporî ya Şaredarîya Bajarê Girdî ya Dîyarbekirî pê destpêkî tehtîlê amnonî na rey zî semedo ke hemwelatîyan wextê xo yê veng hîna weş bivîyarnê cîya-cîya kursan akeno.

Şaredarî do semedo ke gedeyî hem hetê fîzîkî hem zÎ hetê perwerdeyî wextê xo weş bivîyarnê kursanê vîr û zeka,kodlama,drama, Quran-î Qerîm, tembûr, fitbol,basketbol,voleybol, tenis, asnawî, govend, senetê dîyayişî, bîlîşîm û kitabxane a bikero.

Sewbînan semedo ke hemwelatîyan bajarî xo her hetî ra hîna weş bizanê pê nameye çalakîya Bigeyrê- Bivînê Dîyarbekir de gedeyî do cayanê tarîxî û kulturî kîfş bikerê.

Gedeyî do dersa Fen û Teknolojî de firsendê viraştişê ceribnayişî zî bivînê.

Semedo ke gedeyî pê keyfweşî suhbet bikerê û kitabî xo biwanê Kşrathaneyê Şarî, Parkê Birayîye,Temapark û Meydanê Bajarî de Kafeyê Kitaban dema amnonî de xizmetê xo bidomno.

11 hezar û 400 gedeyî ke bine banê, Banê Zanayişî ya Merkez, Banê Zanayişî ya Selahaddîn Eyyubî, Akademî Lîse ya Sûrî, Akademî Lîse ya El Cezerî ya Farqîn, Merkezê Ciwanan ya Gurbuz û Banê Zanayişî ya Bismîlî de perwerde gênê nê kursan rab ê pere îstîfade bikerê.

Wendekarê ke emre înan 18 serre ra berzo xoser, wendekarê ke emre înan 18 serre ra qandira keyayanê xo reyde Banê Zanayişî û Akademî Lîse de qeydê xo bivirazê. Hemwelatîyan xeta 0412 999 08 21 ser o eşkenê derheqê kursan de agahî bigîrê.