Şaredarîya Bajarê Girdî ya Dîyarbekirî,emser 51 hezar û 500 neweş û keyeyanê neweşan Mêmanxaneyê Şaredarî de kerd mêman.

Şaredarîya Bajarê Girdî ya Dîyarbekirî semedo ke tengîya merdimanê nêweşan ê ke teberê bajarî ra nêweşanê xo anê bajar Mêmanxaneyê Nêweş û Keyeyanê Nêweşan de keno mêman.

Mêmanxaneyê Şaredarîya Girdî 136 ode û 391 ca qapasîteyin o. Merdimanê nêweşan ê ke teberê bajarî ra nêweşanê xo anê eşkenê nêweşanê xo reyde Mêmanxneyê Nêweş û Keyeyanê Nêweşan ra îstîfade bikerê. Mêmanxanê pê xizmetanê arayî, revir, servîs, mescit û çay xizmetê şarî de yo.

Hemwelatîyan mêmanxane de de eşkenê cilê xo bê pere bişuwe û odeyê utîyan de utî bikerê.

“Ez tîya sey keyeyê xo hîs kena”

Evın Guneşe ke seba tedawî teberê bajarî ra ameyo tîya da zanayene ke vere cû xeberê aye xizmetê şaredarî ra çinbî aye ra zaf zehmet anta la nika rehet rehet şêna bêra tedawî bivîna.

Guneşe xizmetanê şaredarî ver keyfweşîyê xo ard ziwanê xos er û “Ma vere cû zaf zehmetî ant la mad ima hesna ke şaredarî xizmetêk winasî dano û ma pê bawerî yenî tîya. Ma hem xebatkaranê tîya ver hem zî xizmetanê 3ınan ver zaf keyfweşî û ma xo sey keyeyê xo de hîs kenî” vat.

Zeynep Guneşe ke Sîîrt ra seba tedawî ameya bajarî ma kîfş kerd ke xizmetan ra ver zaf keyfweş a û bade qalîkerdişê xo wina domna : “Ma xizmetê şaredarî kîfş kerd û ameyê tîya. Ma pê keyfweşî yenê tîya. Xebatkarê tîya hende keyfweşî xebetiyenê ke ma tîya de sey keyeyê xo de hîs kenî.”

Emıne Bılmeze ke Batman ra seba tedawî ameya tîya da zanayene ke tîya de 45 roje menda û tedawîyê xo bê mabên domnaya. Bılmez :” Ma tÎya de zaf keyfweş î. Cil û xeyliyê ma yene şutiş arayî dîyeno. Homa razî bo ma tîya de qed xerîbî nêancenê" vat.