Şaredarîya Bajarê Girdî ya Dîyarbekirî, rayê dormeleyî rê nameyê Sultan Sasa û Halîd Bîn Velîdî da.

Şaredarîya Girdî bire daye û bulvarê neweyî rê nameye Walîyê Dîyarbekirî yê Bisilman ya Sifte Sultan Sasayî û Fermandarê Artêşê Îslamî Halîd Bîn Velîdî da rayê dormeleyî ya rojawanî.

İna çarçiwa de Rayê Rîha û Bulvarê Xarpêtî yo ke 12.8 kîlometreyin rayîrî girêdayeno rayê dormeleyî ya rojawanî û hetê Midurîya Pêroyî yê Rayîroşîya virazîyayo nameyê Sultan Sasayî dîya.

Rayê Rîha û Rayê Mêrdînî yo ke 29.8 kîlometreyin girêdayeno rayê dormeleyî ya rojhelatî rê zî nameye Halîd Bîn Velîdî dîya.

Sultan Sasa

Sultan Sasa bîn Sahvan El Abdî fetihê bajarî ma de artêşê Îslamî bîyo û badê hetê Hezretî Omer sey walî erşawîyayo bajarî ma û 6 aşmî ra pey şehîd bîyo.

Halîd Bîn Velîd

Fermandarê Artêşa Îslamî Halîd Bîn Velîd zî Artêşa Îslamî reyde 1382 serrî ver fethe Dîyarbekirî da ca girewto.