Şaredarîya Bajarê Girdî ya Dîyarbekirî semedo ke hemwelatijan biresê xidayê hînî pak, perwerdeyê xida û pakî dîya xebatkarê ke sektorê werdiş û şimitişî de xebetiyenî.

Serekîya Dayîreyê Esnafan ya Şaredarîya Bajarê Girdî ya Dîyarbekirî semedo ke xebatkarê kargehanê werdî xizmetêko hîna baş bide hemwelatijan û cayêko hîna pak de îstîhsalê xo bikerê înan rê perwerde ame serrastkerdiş.

Perwerdekaranê pîspor xebatklaran rê derheqê pakîye kargehan, kargehan de giringîya pakîye, pakîye malzemeyê kargehan, xidayê riskin, asayişo xidayan, neweşîye ke xidayon ver peyda benî, qeydeyê mitbaxî, jehrî kewtişî, janvetene û mîkroorganîzmaYAN de perwerde dayê.

Pêynîya perwerde de 200 kursîyer kewt îmtîhanê û erkewteyê perwerdeyî rê sertîfîkayê ke hetê Wezaretê Perwerdeyê Milî(MEB) tesdîq kerde yo ame vilakerdiş.

Merasîmê vilakerdişê sertîfîkayan Merkezê Kulturî ya Alî Emîrî de virazîya û Hetkarê Sekreterê Pêroyî ya Şaredarî Ercan Bırcan merasim de qalî kerd û serkewtişê xebatkaran waşt.

Ma do xebatanê xo bidomnê

Sereka Dayîreyê Esnaf û Senetkaran ya Şaredarîya Girdî Muyesser Guzel, da zanayene ke çarçiwa pawitişê weşîya şarî de teftîşan bê mabênd ewom keno.

Guzele îzeh kerd ke semedo ke esnaf prosesê pandemî de hîna balkeş bixebite perwerdeyê pakî dîya înan û bade qalîkerdişê xo wina domna: “Raya sifte ke welate ma de Serekîya Dayîreyê Esnaf û Senetkaran ameyo awankerdiş û semedo ke ma weşîya şarî bipawê xebatanê xo domnenê.”

Qalîkerdişan ra dima serfîfîkayê kursîyeran ameyê vilakerdiş.

Merasîm rê Hetkarê Sekreterê Pêroyî ya Şaredarî Ercan Bırcan, Sereka Dayîreyê Esnaf û Senetkaran ya Şaredarîya Girdî Muyesser Guzel,Serekê Dayîreyê Karanê Weşî ya Şaredarî Muhammed Kasım Aydın, Serekê Dayîreyê Averberdişê Çimeyan Hayrettın Bahçivancı, Serekê Odeya Kebap û Şîranîroşan Haşım Elkaan û kursîyeran beşdar bîyî.