Gerînendetîya Giştî ya Kargêriya Avê û Kanalîzasyonê ya Şaredariya Bajarê Mezin (DÎSKÎ), ji bo aveke bi tendurist bênavber bide welatiyan li 28 gundan xebatên vedana bîrên avê dimeşîne.

Gerînendetiya Giştî ya DÎSKÎ’yê, ji bo navenda bajêr û tax û gundan pirsgirêka binesaziyê çareser bike û aveke baş peyda bike xebatên xwe didomîne.

DÎSKÎ’yê ji bo çareserkirina pirsgirêka ava vexwarinê ya 28 gundan xebata sondajê da destpêkirin, ji bo çareseriya arîşeya avê projeyeke bi buhayê 3 milyon û 26 hezar lîre amade kir.

Midûrê Giştî yê DÎSKÎyê Firat Tutşî, ligel Alîkarêm Midûrê Giştî Selçuk Gorduk û Fatih Yuruk, tevî hin rayedaran serdana gundê Pirinçikê kirin, xebata vedana bîra avê ya bli vê derê tê meşandin seh kirin û “ceribandina pompeyê” pêk anî.

Tutşî, got bila ev av ji gundîyan re pîroz be û weha axivî:

“Em lê dixebitin bêyî ferqa gund û bajêr bo her derê xebateke baş bikin. Ji bo em aveke baş û bênavber bidin gundan ekîbên me bêrawestan xebatên xwe didomînin. Heta niha me li 6 gundan xebata sondaja bîrê bi encam kir. Em ê li gundên din xebatên xwe dor bi dor bidomînin.”

Tutşî û kesên pê re piştre xebatên li Şaroşkeya Deniz a bi ser gundê Tawanê yê bi ser navçeya Peyasê saxtî kir.