Şaredarîya Bajarê Girdî ya Dîyarbekirî,qedexeyê tebervejîyayişî de bajarî ma pê cîya-cîya reng û tewir de bi 360 hezar vilê mewsîmî xemilna.

Serekîya Dayîreyê Park, Baxçe û Cayanê Zergûnînan ya Şaredarîya Bajarê Girdî ya Dîyarbekirî qedexeyê tebervejîyayişî de çarçiwa xebata peyzajî de Bulvarê Qamişlo, Seleheddîn Eyyubî û Dîclekentî, Cadeyê Hatboyu û Elazîzî de, dormeleyê wîlayetî û Parka Hz. Suleymanî de cîya cîya reng û tewir de 360 hezar vilê mewsîmî ronayî.

Çarçiwa xebata serrastkerdişê çatreyan de ekûban semedo ke dar û nebat zerar mevînê xebata neqlkerdişî zî viraşt û peyarayîrê Cadeyê Rızvanagayî de zî xebata peyzajî qedînay.

Serekîya Dayîreyê Park, Baxçe û Cayanê Zergûnînan 40 hezar vilê mewsîmî yê ke seraya xo de resnabî hîbeyê şaredarîyê qezayan kerd. Ekıban pê germbîyayişê hewayî semedo ke dar û nebatan bipawê pê 14 wesayîtî roje de di rey siba û şewe awe dano û badê semedo kem eş û melşê peyda nêbo xebata dermankerdişî virazeno.

Şaredarîya Girdî semedê aletê sporî ya Parka 15 Temmuze Şehîdan ke zerar vînabî xebata ciewnîyayiş û temîrî viraşt.

Ekîban vaşanê huşk arê da û arizaya tesîsat û elektrîke parkan zî çareser kerd.

Banqê roniştişî ya Parka Hz. Suleymanî ame bedilîyayiş û Koşka Gazî de zî 20 masaya seyranî ame bicakerdiş.

Serekîya Dayîreyê Park, Baxçe û Cayanê Zergûnînan ya Şaredarîya Girdî Eshab-ı Qeyf û Tirba Pîr Ezîz, Birca Bize û Kuçeyê Hunerî de xebata peyzajî domneno.