Beşe Şaredarîya Bajarê Girdî ya Dîyarbekirî de bi wesîleya Qendîlê Mewludî weladetê pêxemberê ma Hz. Muhemedî(shs) cîya-cîya çalakîyan ame serrastkerdiş.

Binê banê Midurîya Gedeyî ya Serekîya Dayîreyê Xizmetanê Sosyal ya Şaredarî de gedeyî ke emre înan mabênê 4-6 serrî yî keyeyanê xo reyde Merkezê Kultur û Kongreyî ya Sezaî Karakoçî de tewrê çalakîya QendîLê Mewludî bîyî.Gedeyî bi wesîleya na roja weş û girîng Pêxemberê ma Hz. Muhemedî hîna baş musayî.

Serekîya Dayîreyê Xizmetanê Cinî û Keyeyî ya Şaredarîya Girdî zî bi wesîleya roje kursiyer û gedeyî înan rê kilor,pasta û awa fêkîyan îqram kerd.

Wendekarê Yurdê Kênayan ya Serekîya Dayîreyê Xizmetanê Ciwan û Sporî ya Şaredarî zî pê wesîleya Qendîlê Mewludî ameyê têhet.Çalakî pê tîlavetê Quran-î Qerîm dest pê kerd û bado wendîşa Mewlûdê Şerîf dewom kerd.Çalakî de mojnayişê tîyatroyî zî virazîya.

Banê Zanayişîyan de zî Qendîlê Mewludî pê cîya-cîya çalakîyan ame pîrozkerdiş.Gedeyî derheqê cuya pêxemberê ma Hz. Muhemedî(shs) de şîîr,kompozisyon wendê. Wendekarê klubê muzîkî zî pê erbaneyê xo îlahîyan vat.Çalakîyê Qendîlê Mewludî pê duayan qedîya.