Şaredarîya Amedî ya Şaristanê Girdî, rayîrê grûbe yê taxa Ortaşar-Yondemlî yê qezaya Çinarî ke 5,5 kîlometreyî yo, demê qeyyûmî de îhale bîbî la xebatê ey nême de mendbi, ey newe kerd.

Serekîya Daîreya Koordînasyon û Pawitişê Rayîr û Binawanîyan, rayîrê grûbe yê Ortaşar-Yondemlî ke 5,5 kîlometreyî yo û demê qeyyûmî de yew muteahhidî rê îhale bîbî, xebatê binawanî qedîyaybî la bi sebebanê cîya-cîyayan asfaltê ey nêamebi kerdene, badê ke Hemşaredarî Serra Bucak û Dogan Hatunî 7ê Tebaxe de ey kontrol kerd, dest bi xebate kerd.

Rayîr xizmetî rê ame akerdene

Çarçewaya xebatan de rayîrê grûbe yê taxa Ortaşar-Yondemlî yo ke sinorê qezaya Çinarî de yo û 5,5 kîlometre yo, tede xebatê binawanî, binge û 1+2 qat asfaltê sathî demêko kilm de ame qedênayene û rayîr xizmetî rê ame akerdene.

Rayîro ke ame newekerdene res asan kerd

Saya rayîrê ke ame newekerdene û xêzê ey hetê ekîban ra ameyî antene, problemê resê rayîrê kehen yê Derîkî, Aşagi Mollaali, Karaveli, Selyazi, Hoyukdîbi, Halkapinar, Kaziktepe, Ortaşar, Yondemli û mezrayanê înan û merkezê Çinarî ame çareserkerdene. Reyna, taxe û mezrayê derdorî tira îstîfade kenê û resê ocaxê weşîye û nakilê xizmetê perwerdeyî yê Taxa Ortaşarî zî ame temînkerdene.