Şaredarîya Bajarê Girdî ya Dîyarbekirî bi wesîleya serrgerê Fetihe Dîyarbekirî ya 1382ine Rayşîyayîşî ya Fetihe viraşt.

Şareadrîya girdi qepsema çalakîyê Fetihe Dîyarbekirî de Camîya Fetihe ra Camîya Hz. Suleymanî ke têde goristanê eshabeyan estê, rê pê rayberîyê Walîyê Dîyarbekirî Munır Karalogluyî çalakîya Rayşîyayîşî ya Fetihe serrast kerd.

Rayşîyayîşî ya Fetihe de Walîyê Dîyarbekirî Munır Karaloglu,Pparlementerê Dîyarbekirî Ebubekir Bal, Qeymeqamê Sûrî Abdullah Çıftçı, Fermandarê Cendermeyî Tuxgeneral Mustafa Erdem, Midurê Asayîşê Bajarî Şukru Yaman, Rektorê Unîversîteya Dîcle Şukru Yaman, temsîlkarê dezgeyanê sîvîlan û hemwelatîyan Camîya Fetihe ke kampusê Unîversîteya Dîcle de ca gêno û Artêşê Îslamî yo ke qerarqehe uca de awankerdbî de bi wesîleya Fetihê Dîyarbekirî ameyî têhet.

100 heb ciwanî rayberîyê Walî Karalogluyî reyde pê tekbîr û selewatî hetanî Camîya Hz. Suleymanî yo ke Keleyê Zerî de ca gêno û eshabeyan uca de şehit kewtbi rê rayşîyayîşêk pê şemaleyan viraştê.

Camîya Hz. Suleymanî de nimajê sibayî ra dima semede eshabeyanê şehîd Quran-î Qerîm ame wendiş û duayî ame kerdiş.

Parlementerê Mehdî Eker giringîya rojanê ser qalîkerdişêk viraşt.

Endamê Rêveberîyê TURSAB ya Dîyarbekirî Abdulazız Yatkın zî derheqê giringîya Fetihê Dîyarbekirî ser o agahî da.

Mifteyê Bajarî Yavuz Selım Karabayirî duayî kerd û pêynîya ççalakî de Walî Karaloglu û Parlementer Mehdı Eker pîya ciwanan rê germî vila kerd.