Şaredarîya Bajarê Girdî ya Dîyarbekirî semedo ke wa şar zexîre û xidayo pak bigîro û wa hemwelatî cayêko weş û pak de qurbananê xo serebibirnê vere Roşanê Qurbanî dest pê hadrekarî kerd.

Şaredarî çarçiwa xebatê roşanî de pê tewrê şaredarîyê qezayan kombîyayişêk serrast kerd.Kombîyayiş Salona Kombîyayişê Meclîsê Şaredarî de virazîya û derheqê xebatan di pêvînayiş virazîya.

Ekîbê tepiştişê qurbanîyan bêro awankerdiş

Serekîya Dayîreyê Karanê Weşî ya Şaredarî do semedo ke cayê serebirnayiş û rotişê qurbanîyan de problem peyda nêbo ekîbê tepiştişê qurbanîyan awan bikero. Çarçiwa xebatan di hemverê meş û melşeyan zî cayê serebirnayiş û rotişê qurbanîyan de xebata dermankerdişî bêro viraştiş.

Serekîya Dayîreyê Pawitiş û kontrolkerdişê Dorûverî ya şaredarî zî arêdayişê çopanê cayê qurbanîyan de xebate bikero.

Cayê serebirnayiş û rotişê qurbanîyan de goreyê îxtîyacîyan kontenerê çopî zî bêro ronayiş.

Sewbînan heme goristanê bajarî de xebata pakkerdişî bêro viraştiş.

Cayê rotiş û serebirnayişê qurbanîyan pê awa tazîkşin bêrê şutiş

Serekîya Dayîreyê Îtfaîya ya Şaredarîya do cayê serebirnayiş û rotîşê qurbanîyan pê awa taziikin bişuwe.

Serekîya Dayîreyê Ciewnîyayişê Rayîr û Binawanîye ya Şaredarî cayanê aşkera de semedo ke problemêk peyda nêbo xebatanê xo bidomno.

Midurîya Pêroyî yê DÎSKÎ semedo ke wa çopê ke erzîyenê mîyanê mazgal û kanalîzasyonan nêbo sebebê xetimîyayîşî pê vîdanjoran xebatanê xo bidomno.