Şaredarîya Bajarê Girdî ya Dîyarbekirî semedo ke Cayê Seyranî ya Deve Geçîdî yo ke hemwelatîyan uca de seyran kenî, bikero newe xebatanê xo domneno.

Şaredarîya Girdî semedo ke wa hemwelatîyan boya xo biverdê û hîna rehet seyran bikerê tesîsan de xebata raştkerdişî virazena.

Serekîya Dayîreyê Park,Baxçe û Cayanê Zergunînan ya Şaredarîya Girdî çarçiwa xebatan di Deve Geçîdî yo ke 161 donim ser o ca gêno de xebata newekerdişî da dest pêkerdiş.

Devegeçîdî de ekîbê şaredar3ı het3ek ra xebata binawanî domneno heto bîn ra zî xebata peyzajî virazeno.Çarçiwa xebatan di Deve Geçîdî de cayê seyranî,cayê kaykerdişê gedeyan,rayê meşîyayişî û semedo ke hemwelatîyan îxtîyacîyê xo hîna rehet biveynê zî kafe,restorant,bufe,tuwalet,mescît û otoparkêko 360 wesayît qapasîteyin bêra viraştiş.

Seba ciwanan zî cayê kampî bêra viraştiş

Semedo ke ciwan û spporhesan îstîfade bikerê 1500 metrekareyin ca ser o cayê kaya paintbolî, cayê tîreştoxî û sehaya basketbolî yena awanekrdiş.

Cayê seyranî de 5 hezar û 500 metrekareyin cayê şopgerênî,cayê kampîngî û banê bungalov bêra viraştiş.