Şaredarîya Bajarê Girdî ya Dîyarbekirî do qezaya Pîranî de 4 hezar metrekare ca ser o parkêko newe awan bikero.

Şaredarîya Bajarê Girdî yê Dîyarbekirî semedo ke tebere bajarî de zî cayanê zergûnînan zede bikero û wa hemwelatîyan teber de wextê xo weş biveynê qezayan de zî xebatanê xo domneno.

Serekîya Dayîreyê Park,Baxçe û Cayanê Zergûnînan ya Şaredarîya Girdî semedo ke hemwelatîyan gedeyanê xo reyde wextê xo weş biveynê qezaya Pîranî de 4 hezar metrekare ca ser o parkêko newe awan keno.

Şareadrî do park de cîya-cîya dar,vil û şirqat ronê.

Îhaleyê parke virazîya

Şaredarîya Girdî îhaleyê ci viraşt û da zanayene ke pê qedîyayişê prosesê îhaleyî ekîban do dest pê xebatan bikerê.