Şaredarîya Bajarê Girdî ya Dîyarbekirî projeyê ke semede bajarî ma zaf girîng der o domneno.

Şaredarîya Bajarê Girdî ya Dîyarbekirî semedo ke cuyê hemwelatîyan hîna bikalîteyin û konforin bikerê xebtanê xo domneno.

Şareadrîya Girdî pê projeye xo hetêk ra merkeze bajarî de hetêk ra zî tax û dewanê bêja de semede cuyêko hîna konforin projeyan anê ca.Şareadrî semedo ke hem tarîxê abajrî ma bipawo hem zî potansîyelê ci bivejo werte xebata restorekerdişê sûran dabi dest pêkerdiş. Şaredarî xebatanê xo bê mabên domneno.

Xebata restorekerdişê sûran dewom keno

Şaredarîya Bajarê Girdî ya Dîyarbekirî par 10ê Tebaxe de Bircê Ulu Beden, Yedıkardeşler, Selçuklu,Nur û Berê Rîha pêroyî de 6 bircê bajarî de xebata restorekerdişî dabi dest pêkerdiş.

Çarçiwa xebatan di taxa Benusen de semedo ke bircanê ke ameybi restorekerdiş hîna weş biasîyo nêzdîyê 300 binyat ameyê îstîmlakkerdiş û netîceyê xebatan di 25 hezar metrekareyin ca vejîya werte.

Aşma Çele de çarçiwa xebata restorekerdişê sûran de 11 heb Kelaya Zerî de 2 heb zî birce kelaya teber de pêroyî de 13 birc û desê pawitişî ya Amîda Hoyuk de 11 hezar metrekare ca ser o xebata restorekerdiş û raştkerdişî virazîya.

Wesîleya xebata restorekerdişê sûran de 3 berê bircan vejîya werte. Netîceyê xebatan di aşma Gulane de bircanê meydana Şêx Seîdî, Tek Beden, birce omara 7 û 8ine pêroyî de 98 birc ra 24 hebî yo ke linganê xo ser vindenê de zÎ xebata restorekerdişî ame dest pêkerdiş.

Terasê Fîskayayî yêno newekerdiş

Netîceyê xebatanê şaredarî Çirra Fîskaya ageyra rojanê kehen û enwera çirreno.

Serekîya Dayîreyê Îmar û Bajarvanîye Şaredarî semedê Terasê Ewnîyayişî zî proje hadre kerd û proje hetê Lijneyê Pawitişê Estene Kulturî ya Dîyarbekirî ame tastîqkerdiş.

Çarçiwa proje de Serekîya Dayîreyê Park, Baxçe û Cayanê Zergûnînan ya şaredarî do terasê ewnîyayişî newe bikero.

Pirda Malabadî de xebatan dest pê kerd

Şaredarîya Bajarê Girdî ya Dîyarbekirî semedo ke weşîye Pirda Malabadî bivejo werte 30 hezar metrekareyin ca de xebata raştkerdişê dorûverî bivirazo.

Pirda Malabadî, Lîsteyê Mîrasê Kulturî ya Nuweqet ya UNESCOyî de ca gêno û semedo ke weşîya Pirda Malabadî bivejo werte xebata raştkerdişê dorûverî bêro viraştiş.

SereKîya dayîreyê Park, Baxçe û Cayanê Zergûnînan ya Şaredarî projeye ke Pirda Malabadî biçarno sey Muzeyê Hewayo Akerde hadre kerd. Semedo ke Pirda Malabadî rê hîstenîkîye zêde bikero û hemwelatîyan bi rehetî zÎyaret bikerî xebata raştkerdişî bivirazo.

Netîceyê xebate de pêroyî de 30 metrekareyin ca ra 18 hezar û 95 metrekare sey cayê zergûnî bêro serrastkerdiş.

Proje de ware, kafeterya, mescit, terasê ewnîyayişî, rayîrê gêyrayişî,îskele, cayê kaykerdişê gedeyan, tuwalet û odeyê ciewnîyayişê tutan estê.

Sewbîann cîya-cîya nuqteyê Pirda Malabadî de tabelayê tarîxê pirde zî bêro aliqnayiş.Pirda Malabadî de xebata roşnîkerdişî zî bêro viraştiş.

Dîyarbekir do bibo merkeze musabaqayan

Mabênê Wezaretê Spor û Ciwanî, Walîtîya Dîyarbekirî, Şaredarîya Girdî û 17 şaredarîyê qezayan de protokolê 16 sermayegozarîyê sporî ame îmzakerdiş.

Dîyarbekir de semedê heme sporî pê nameye “Spor Park” cayanê olimpik bêro awankerdiş.

Protokole ke ame îmzakerdiş do bajarî ma biçarno sey merkeze musabaqayê spor û sporbazan. 250 metrekareyin tesis de cayê asnawberîyê ra bigîrê hetanî tenîse heme cayê olimpik estê. İna tesis do semedê Dîyarbekir û mintiqa ci cayêko girîng de bo.

Şaredarî do qezaya Pîranî rê 5 km merkeze bajarî rê 55 km dûrî de 180 metrekare ca ser o Kampê Ciwanan awan bikero.

Semedo ke ciwananê Unîversîteya Dîcle û qezaya Sûrî bêrê têhet taxa Yıgıtçavuş de 66 ehzar metrekare ca de “Kompleksê Sporî “ bêro awankerdiş.

Çarçiwa xebatan di qezaya peyasî de Merkezê Ciwan û Zanayişî ya El Cezerî,qezaya Sûrî de Merkezê Ciwan û Edebîyatî ya Sezaî Karakoçî û qezayanê Gêl,Hênı,ÇinarÇêrmug û Passûr de zî merkeze ciwanan bêrê awankerdiş.

Ekîbê şareadrî baxçeyê mektebon û parkan de 350, camîyan de 50 heb potayê basketbolî ronê.

Qezayê Baxlar,Bismîl,Karaz,hezro û gêl de 1000 kes qapasîteyin hewze asnawî Bêro akerdiş.

Çarçiwa sermayegozayîran de 80 sehayê xalî û 9 heb sehayê basketbol û voleybolî û 3 ehb sehayê fitbolî ya sentetik û zirce bêrê awankerdiş.

Xebata tramwayî dewom keno

Şareadrîya Bajarê Girdî ya Dîyarbekirî semedo raywanîyêko hîna konforin û erjan xebata tramwayî bê mabên domneno.

Serekîya Dayîreyê Resî ya Şaredarîya Bajarê Girdî ya Dîyarbekirî hedef keno ke mabênê Meydana Şêx Seîdî- Neweşxaneyê Perwerde û Cigêrayîşê yê Gazî Yaşargılî de serre 2023 de xizmetê tramwayî bierzê xizmetê şarî. Çarçiwa xebatan di xebata etutî ya jeolojik-jeoteknîk virazîya û nê xebate ame raporkerdiş.

Xebata tramwayî 14.1 kîlometre dergi û 23 îstasyonî ra yeno meydanTemombîyayişê sîstemo tramvayî rojane 74 hezar û 342 raywanî bêro kiriştiş. Xepsema xebatan di 23 sondajê cigêrayîşî bêro viraştiş.

Qezayan rê Baxçeyê Şarî û Meydanê Suke bêrê viraştiş

Şaredarîya Bajarê Girdî ya Dîyarbekirî do qezaya Farqînî 14 hezar û 350 metrekareyin ca de Meydanê Suke ya 1.Kiliçarslanî awan bikero û proje de 8 hezar û 300 metrekareyin ca sey cayê zergûn ame cîyakerdiş.

Şaredarî do Hezro de 32 ehzar metrekare ca ser o cayê seyranî,kamelya , hacete sporî, rayîrê rayşîyayişî, cayê roniştişî û kaykerdişê gedeyan Baxçeyê Şarî awan bikero.

Şaredarî do qezaya karazî de semedo ke hemwelatîyan wextê xo keyeeyanê xo reyde hîna weş mabênê zergûnînan de biveynê park bêro viraştiş.Projeyê Parkî de kafeterya, mescit , baxçeyê gulan, hacete sporî, rayîrê rayşîyayişî, wc û semede kaykerdişê gedeyan ca estê.