Semedo ke wa şar zexîre û xidayo pak bigîro, Şaredarîya Dîyarbekirî cayê ke goşt û şîranî roşenê teftiş kena. Şaredarîya Bajarê Girdî Dîyarbekirî do Roşanê Qurbanî ra ver teftiş kerdîşê xidayon zêde kerd.

Ekîbê Serekîya Dayîreyê Karanê Weşî ya Şaredarî qezayê Yenîşehrî,Baxlar, Peyas û Sûrî de teftîşê xidayan domneno.

Ekîbê Kontrolkerdişê Xidayî ya Şaredarîya Girdî semedê pawitişê weşîya şarî, mîyanê bajarî de cayê ke zexîre û xida roşenê, depoyanê xo de ca danê ci teftiş kena. Ekîbê Şaredarîya Bajarê Girdî yê Dîyarbekirî Roşanê Qurbanî ra ver, cayê ke goşt û şîranî roşenê teftiş kenê.

Heto bîn ra semedo ke wa wayîrê kargehan kêmanîyanê xo temam bikerê zî zanayîş dîyeno înan. Eke cayê ke pak nîyê, kargehanê xo de çî-mîyê ke demê werdişê înan vîyarto roşnê zî yenê cezakerdiş.

Ekîbê şaredarî hemwelatîyon goşt,şîranîroş,şeker û çıkolatayê vaye de îqaz kerd û waşt wa gereke deme werdişê çî-mîyê hemwelatîyan kontrol bikerê.