Şaredarîya Bajarê Girdî ya Dîyarbekirî projeye tramwayî ke hemwelatîyan bi serreyan paweno gama ewilî eşt.

Walîyê Dîyarbekirî Munır Karaloglu ame wezîfe ser semedê komresîya konforine û rehetine talimat dayêbi ke Planê Mater ya Resî bêro serrastkerdiş.

Planê Master ya Resî serra 2040 de projeye tramvayî hedef girewtbi û Şaredarîya Girdî bal ont giringîya ina projeyi û lazîmtîya ci dest pê xebatan kerd. Proje pê 3 merhele Bêro viraştiş

Sîstemo tramwayî yeno hedef kerdene ke mabenê Neweşxaneyê Perwerde û Cigêrayîşî yê Gazî Yaşargılî û Meydana Şêx Seîdî de 14.1km dergi û 23 îstasyonî ra bêro viraştiş.

Sîstemo tramwayî Fîskaya ra dest pêbikero û raygeho Meydana Şêx Seîdî- Cadeyê Alî Emîrî, Cadeyê Hıntlıbaba-Ekîncîleran- Bulvarê Turgut Ozal- Bulvarê Dîclekent- Cadeyê Mastfroş û Neweşxaneyê Perwerde û Cigêrayîşî yê Gazî Yaşargılî de bêro viraştiş. Serekîya Dayîreyê Resî ya Şaredarîya Bajarê Girdî ya Dîyarbekirî hedef keno ke serra 2023 de xebata tramwayî biqedîno. Temombîyayişê sîstemo tramvayî 74 hezar û 342 raywanî kirişe. Yeno hedef kerdene ke serra 2040 de qapasîteyê kiriştişê raywanan yê sîstemo tramvayî 132 hezar û 26 bi.

Semedê projeyi 5 fîrmayê pîspor teklif daye

Serekîya Dayîreyê Resî ya Şaredarîya Bajarê Girdî ya Dîyarbekirî semede gama ewilî îhaleyê projeyi akerd û pêroyî de semedê ina projeyi 5 fîrmayê pîspor teklif daye. Teklîfê fîrmayan bêro wekenitene û badê mabenê 6 aşmî de xebatan dest pêbikero.