Emser Fûarê Lezetê Herêmî Gurme reya 3ine ame serratkerdiş û Şaredarîya Bajarê Girdî yê Dîyarbekirî zî uca de cayê xo girewt.

Fûarê Lezetê Herêmî Gurme pê dengbêjan,govendan,tulum,kemençe û deyran berê xo akerd. Emser Şareadrîya Girdî fuar de Rîze kerd mêman.

Stantê Şaredarîya Girdî hetê hemwelatîyan raştê eleqeyêko weş ame. Stant de kitabî û broşurê ke tede behsê bajarî ma bîyêne yenê vilakerdiş.

Kursîyerê Şaredarî zî stand akerd

Serekîya Dayîreyê Cinî û Keyayan ya Şaredarîya Girdî semedo ke kursîyerê ke bine banê Merkezê Cuya Cinîyan de berhemê xo îstîhsal keno, berhemê xo roşê standêk akerd.

Şırın Çıçeke ke stand de patira pewcena da zanayene ke ina stant de patira oşena û pere qezenç kena.

Melıha Erdeme zî da zanayene ke saya kursanê şaredarî mesleg musaya. Erdeme aşkera kerd ke pê perwerdeyê xo berhemê xo îstîhsal kena û pere qezenç kena.

Seba şinasnayişê Dîyarbekirî tewrê fuarê bî

Serekê Komela Seydkaran Huseyın Dursunogluyî da zanyene ke seba şinasnayişê kulturê bajarî ma arpejikê xo reyde ameyo.

Komela Reqqasê Unîversîteya Recep Tayyıp Erdoganî ra Elıf Bayındıre zî îzeh kerd ke raya sifte ameya bajarî ma û zaf keyfweş a.