Hevserokên Şaredariya Bajarê Mezin a Amedê Serra Bucak û Dogan Hatun mazûvaniya sporvanên ciwan û xebatkarên teknîkî yên Tîma Voleybolê ya Jinan kirin.

Werzişvanên ciwan û xebatkarên teknîkî yên Tîma Voleybolê ya Jinan a Şaredariya Bajarê Mezin a Amedê ku di bin banê Serokatiya Daîreya Xizmetên Ciwan û Sporê de hat avakirin û di encama maçên îsal de bi qezençkirina kupaya şampiyoniyê derket Lîga 2yemîn, çûn serdana hevserok Serra Bucak û Dogan Hatun.

Werzişvanên jin ên ku bi kûpaya şampiyoniyê hatin serdanê, forma diyarî Hevserokan kirin.

Hevserokan pîrozbahî li werzişvanên jin kirin û di sezona nû de hêviya serkeftinê ji wan re xwestin.