Serekê TBMM Mustafa Şentop, Walîyê Dîyarbekirî Munır Karalogluyî reyde Akademî Lîseya Alî Gaffar Okkanî yo ke qezaya Yenîşehrî taxa Şehîtlîkî de ame viraştiş, akerd xizmetê şarî.

Merasîmê akerdişê Akademî Lîseya Alî Gaffar Okkanî pê wendîşa marşê Îstîklalî dest pêkerd û bade merasim de deyranê Tirkî û Kurmancî ame vatiş.

Şentop qalîkerdişê xo de” Okkanî vere 20 serrîyan seba birayîye xo dayebi xizmetê şarê Dîyarbekirî û bade şehit kewto aye ra nika ma semede akerdişê berhemê bi nameyê ê şarê Dîyarbekirî reyde amade yî” vat.

Qalîkerdişê Serekê TBMMyî Mustafa Şentopî ra dima Walîyê Dîyarbekirî Munır Karaloglu dest pê qalîkerdişê xo kerd.Karalogluyî îzeh kerd ke o zaf giringî dano xizmetê şareadrtîya sosyal û ina çarçiwa de ina Akademî lîse bî akademî lîseya çorîn û bade wina vat : “Nika Nêzd3ıyê 14 hezar siwanî ma akademî lîse û banê zanayîşan ra îstîfade kenî.Uca de teyna dersane binge de nêy aktîvîteyê sosyal de zî piştî û perwerde dîyeno ciwanan.Ma wazeme ke Dîyarbekir de gedeyî ma biwanê û mesleganê cîya-cîyayan bimuse û hem keyayê xo rê hem zî bajar û welatê xo rê bibên faydayîn.Ma seba ci lebate kenî û ma werêzayê ci zî gênê.

Ma cîyayî nêkenî

Walî Karalogluyî aşkera kerd ke nameye Alî Gaffar Okkanî seba Dîyarbekir zaf o û bade qalîkerdişê xo wina domna : “Dewlet û milet senî bena Têmîyan Şehîd Alî Gaffar Okkan zaf weş mojnayî. Se kerd? İna bajar de mabênê dewlet û miletî de sey pird bî û zerrîyê şarî feth kerd.Ciwananê ma rê biratî kerd û bade o şehîd kewto zî şarê ma zî wefayê xo ê rê mojna.Ewro nameyê bi henzaran ciwanê ma Alî Gaffar Okkan î. Homa bikerê qismetê ma zî ke ma zerrîyê şarê xo de ca bigîrê. Armancê ma zî yew bi yew safîkerdişê probleman o.Ma xebataNê xo de cîyayî nêkenî û ma wazeme ke xizmetê ma biresê heme hemwelatê ma. Se ke şima zî zanenê ma ewro dema perwerdeyîya newe ewro akerd û ma hetanî nika 10 hezar û 185 ciwanî rê 750 lîra vila kerd. Nika seba ke ciwanê kontenjanê îlaweyî de ameyê unîversîte zî îstîfade bikerê ma muraacatê piştgirîyê perwerdeyî newera akerd.Akademî Lîseya ma xeyrin bo.Înşallah Alî Gaffar Okkananê newe tîya de biresê.”

Qalîkerdiş ra dima Şentop, karaloglu û protokol akerdişê Akademî Lîseya Şehîd Alî Gaffar Okkanî kerd. Şentop zengile dersa AkademÎ Lîseya newe da piro û ciwanan reyde suhbet kerd û derheqê lîse de agahî girewt.

Merasîmê akerdişê Akademî lîseya Şehîd Alî Gaffar Okkanî rê Serekê TBMM Mustafa Şentop,Walîyê Dîyarbekirî Munır Karaloglu, Parlementerê AK Partîyî Oya Eronat, Ebubekır Bal û Mehdı Eker, Endamê MKYKyî Ak Partîyî Alaattın Parlak, Midurê Asayişî Huseyın Aşkın, Fermandarê Cenderme Tuxgeneral Gokhan Çıloglu,Rektorê Unîversîteya Dîcle Prof.Dr. Mehmet karakoç,Qeymeqomê Yenîşehrî Murat Beşıkçı û hemwelatîyan beşdar bîyî.