Serekkomar Recep Tayyip Erdogan: “Hepisxaneyê Dîyarbekirî yo ke pê serreyan nameyê ci eşkence, zilm û zordestî yeno yadkerdiş ma açarnanê merkeze kulturî” vat.

Serekkomar Recep Tayyıp Erdogan verê Walîtîya Dîyarbekirî de tewrê akerdişê projeyi “Tesîsê Awedayişê Zîret û Deşte Bismîlî, Citarê Dîyarbekirî OSB de 30 Fabrîqe, Sîteyê Oto Sanayî ya 4ine “û projeye binan bîyî.

Serekkomar Recep Tayyıp Erdogan, merasîmê verê Walîtîya Dîyarbekirî de qalî kerd ûbvîr vîst ke her hetê bajarî de Şaredarîya Girdî bi taybetî xebata viraştişê rayîr, binawanîye awe û kanalîzasyonî, sehayê xalî, yurd, raştkerdişê dorûverî, raştkerdişê pirdan û çatreyan de pê 411 mîlyon Tl sermayegozarîyêko gird viraşto.

Serekkomar Erdoganî ra 3 mijdan

Serekkomar Recep Tayyıp Erdogan qalîkerdişê xo de ca da mijdanan zî û “Hepisxaneyê Dîyarbekirî yo ke nameye ci demêko derg pê eşkence,zilm û zordestî ameybî vîrê şarî, ma açarnenê merkeze kulturî. Xeyrin bo” vat. Serekkomar Erdogan qalîkerdişê xo de derheqê xebata tramwayî de zî “Ma semedo ke hemwelatîyan rê xizmetê tramwayî bideme dest pê xebatan kerde ” vat. Serekkomar Erdogan derheqê xebata neweşxaneyê bajarî de zî wina vat : Ma do 19ê Temmuze de îhaleyê neweşxaneyê bajarî ya 1000 qapasîteyin bivirazê. Ez wazena nika ra heme hemwelatîyan rê xeyrin bo.”

Erdoganî bal ont çalakîyê hîşyarbîyayişê ciwanan û qalîkerdişê xo wina domna : “Kamcin sermayegozarîyê rê îxtîyacîye şima estê, viraştişê ci deynê ma yo serî çimon ser Dîyarbekir.”

Karalogluyî derheqê xebatan di agahî da

Merasîmê akerdişê xizmetan de Walî Munır Karalogluyî zî qalîkerd û da zanayene ke pê îmkananê dewletê ma xizmetkarîye keno.Karalogluyî qalîkerdişê xo wina domna : “Ma pê Şareadrîya Girdî û şaredarîyê qezayan û heme lijneyan semedo ke layîqê bajarî ma bîme şewe û roje bê mabên xebetiyenî. Ma 50 serre ra dima Berê Goşarin û Berê Fetihî aşma Remezanî de akerd. “

Karalogluyî da zanayene ke sûran de zî xebata restorayonî ame dest pêkerdiş.

“Ewro 17 qezayê bajarî ma de xebate esta. Hetêk ra ma pê hedefê 1200 kîlometre viraştişê rayîrî sere erdî de xebata rayîrî domneno hetêk ra zî pê xebata bşinawanîye bine erdî de ma Awbenda Dîcleyî ra awe kirişeno. Ma pê projeye EKAYî probleme çopî ya bajarî safî kenî. Çopê Qerejdaxî de çopan do bibo enerjî û elektrîk.Sewbînan Mintiqa Organîze Sanayî, Dewa Lojîstîk, fabrîqayê newe û pê hezaran kargehê neweyî sermayegozarîyê turîzm,zîret, spor û zanayişî domneno. Sermayegozarîyê ke bajarî ma de dewom keno sibaroje roşnî ya Dîyarbekirî rê rayîran, vîzêr ra ewro, ewro ra sibarojî zerrîyan ra zerrîyê sey berê fetihî beran a beno.”

“Hemverê şiûrê bajarî ma de ameyê werîyayene “

Karalogluyî bal ont ke Dîyarbekir de 12 hezar û 500 serrîyo ke destanêko gird ameyo nuştiş û tayene waşt ke ina destano qedîm cir bikerî û bade wina vat : “

“Tayene waşt wa destanê bajarî ma bicirre, kerrayê ke şahîdê tarîxê ma yê defn bikerî û medenîyetan hepse binerdi bikerî, dafan ronayî bajarî ma. Înan waşt ke ciwanan zî biancê holan.Labelê ewilî ê werîyayî şîûrê bajarî ma . Hemd Homayî rê ke ê bi xo kewtê holan. Hizure ke bajarî ma de peyda bîya çimanê hemwelatê ma de hêvîyan geş keno. Ma do gedeyî ke zerrîyê înan îmkananê înan ra zêde yê gedeyî bajarî ma, ciwananê ma, dayîkanê ma reyde pê samîmîyet û duayê înan destananê newe binuse.”

“Heme cîhan do bajarî ma ser o qalî bikerî”

Karalogluyî aşkera kerd ke tornê Seleheddînê Eyûbî dest pê seferêko newe kerdê û qalîkerdişê xo wina qedîna:”Heme cîhan do hîna zêdetir bajarî ma ser o qaLî biekrî û hîna weş bizanî. Ma do ina rayîr de pê pawtê dewletê ma de xizmetkarîyê Bajarî Pêxamber û Eshabeyan de sey xizmetkarê şarî pê zerrî û sewdayê xo xebatanê xo bidomnê.Ez ewilî amayişê şima ver bade semede sermayegozarîy3e qîymetin şima rê spas kena û ez wazena ke heme hemwelatê ma rê xeyrin bo. Ez pê nameye heme hemwelatîyan şima rê spas kena.”

Serekkomar Recep Tayyîp Erdogan Kelaya Zerî de ciwanan reyde ame têhet

Merasîmê akerdişê xizmetan ra dima Serekkomar Recep tayyîp Erdogan ciwananê ke cîya-cîya bajaran ra ameyî reyde ame têhet.

Erdoganî ciwanan reyde deyrê Neşet Ertaşî ya Gonul Dagi vat û walî Munır Karaloglu na deme weş medyayê komelkî ser o weşana.

Karaloglu parekerdişê xo de :”Zerrîyan ra zerrîyan rayîr esta. Berna,mijdanan,saz û sozê xo şima teşrîfê bajarî am kerde. Ez pê nameye heme Dîyarbekirijan ke şima înan rê vanê çime mi, spas kena” vat.