Şaredarîya Bajarê Girdî ya DÎyarbekirî pê berhemê perwerdekaran, wendekaran û hunermendan pê nameye “Germo Zerd ” sergîyê resiman akerd.

Şaredarîya Girdî bine banê Atolyeyê Senetê Dîyayişî de semedo ke hem hemwelatîyan meslegî bimuse hem zî xo rê hobîyêk peyda bikerî kursê resimî akerdbi. Berhemê ke kursanê resiman ra vejîya pê nameye “Germo Zerd” ame mojnayiş.

Serekîya Dayîreyê Karanê Sosyal û Kulturî ya Şaredarîya Girdî qepsema sernameyê aşma Hezîrane de pê berhemê kursiyer, perwerdekar û hunermendan sergîyê resiman ya “Germo Zerd” akerd. Sergî Galerîyê Senetî ya Sumerpark de hetanî 30ê Hezîranê bêro mojnayiş.