Şaredarîya Bajarê Girdî ya Dîyarbekirî merkeze bajarî û qezayan de pêroyî de 80 projeyî qedîna û projeyan pê 410 mîlyon û 830 hezar Tl sermayegozarîyê kerd xizmetê şarî.

Şaredarîya Bajarê Girdî ya Dîyarbekirî merkeze bajarî û qezayan de emser restorekerdişê sûran ra bigîrê , park baxçe û viraştişê rayîran ra xeylê xizmetê girîng ard ca.

Restorasyonê Sûran dewom keno

Şaredarîya Bajarê Girdî ya Dîyarbekirî semedo ke tarîx û sûranê bajarî ma rê wayîr bivejo dest pê restorekerdişê sûran kerdbi. Çarçiwa xebatan di Bircê Bizî yo ke mabênê sûran de cayêko girîng der o sey merkeze hunerî enwera ame serrastkerdiş.

Ekîbê şaredarî pêynîya xebatan di semedo ke hemwelatîyan tîya bi rehetî ziyaret bikerî û Baxçeyê Hewselî yo ke Lîsteya mîrasanê Cîhane ya UNESCoYî de ca gêno temaşe bikerî, platformê darin awan kerd.

Şareadrîya Girdi 99 bircî ra 24 hebî yê ke linganê xo ser ê de xebata restorekerdişî domneno.

Camîya Qerşunine de xebata raştkerdişî virazîya

Camîya Qerşunine demê Osmanîyan de virazîyaya. Mîyanê Kuçeyanê Fatihpaşa, qezaya Sûrî de ca gêna. Xususîyetê Camî yo en pîl qubeyê aye qerşunan ra ameya viraştiş. Semedo ke qubeya ci qerşunan ra ameya viraştiş mîyanê şarî de tira vanê Camîya Qerşunine.

Ekîbê şaredarî çarçiwa xebata raştkerdişê Camîya Qerşunine de 50 heb çinar, 250 gulê Muhammedî, 1500 heb cîya-cîya tewir de gul, 500 heb mazî, 500 heb alev û 500 heb şirqat ronayî. Ekîban 800 metrekare bazalt, 800 metrekare kerrayê bazalt oluş û 2500 metrekare zî kuptaş ravist.PêyNîya xebatan di dîregê roşnîkerdişî ame ronayiş.

Çatreyê Teyaregehî ya Yonca de xebata peyzajî

Ekîbê şaredarî semedo ke bajarî ma Hîna weş biasîyo dekewtişê bajarî ma Çatreyê Teyaregehî ya Yonca de xebata peyzajî viraşt. Ekîbê şareadrî 170 metrekare ca de 3 hezar û 104 heb dar û 55 hezar hezar şirqat ronayî. Çarçiwa xebatan di 2 depoyê awe û 150 metrekareyin sîstemo awedayişî û xetê drenajî ame awan kerdiş.

Rayîrê dewan yew bi yew virazîyeno

Ekîbê şaredarî hetêk ra goreyê îxtîyacîyê hemwelatîyan rayîranê newe akeno hetêk ra zî rayîran de xebata raştkerdiş û pînekerdişî virazenê. Çarçiwa xebata asfalto germin de ekîbê şaredarî xebatê Cadeyê Dr. Ahmet Bılgın, Bulvarê Mîr Cembellî û Rizavanaga, Evrım Alataş, Ahmet Kaya, Avşın, Mastfroş,Rîha,Hîlar, Dr. Yusuf Azîzoglu, Cemîloglu, Bedîuzzeman,Hayatî Avşar, Ahmet Arîf, Dr. Şeref Înaloz, Mîmar Sînan, Prof. Dr. Selahaddîn Yazicioglu û Kuçeyê Kumlu de xebata asfalto germin qedînay.

Serekîya Dayîreyê Ciewnîyayişê Rayîr û Binawanîye Şaredarîya Bajarê Girdî ya Dîyarbekirî sezonê asfalto germini ya serre 2021 pê hedefe 1200 kîlometre akerdbi û çarçiwa xebatan di qezayê Şankuş, Erxenî, Hênî, Pasûr, Çinar û Peyas de xebata qeplemayo sethî kerd temom.

Piştî dîyeno perwerdeyê ciwanan

Şareadrîya Bajarê Girdî ya Dîyarbekirî pê cîya-cîya xebatan piştî dÎyeno perwerdeyê ciwanan. Çarçiwa xebatan di semedo ke gedeyê dezavantajÎnan hîna rehet xo îmtîhanan rê hadre bikerê SereKîya Dayîreyê Xizmetanê Ciwan û Sporî ya Şaredarî ser o Mêmanxaneyê Yurdê Kênayan û Akademî Lîse akerd.

Semedo ke piştî bideme perwerde û cuya sosyali ya wendekaran qezaya Hênî, Farqînû Bismil de zî Banê Zanayişî û Akademî Lîse ame awankerdiş.

22 heb goleke de xebata raştkerdişî virazîya

Serekîya Dayîreyê Xizmetanê Bêja ya Şaredarîya Girdî semedo ke piştî bide citkaran dewan de 22 heb Golekê Awa Şimitişî ya Heywanan (HIS) de xebata raştkerdiş û temîrî viraşt û akerd xizmetê citkaran.

DÎSKÎ ra 261 mîlyon û 499 TL sermayegozarî

Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî semedo ke hemwelatîyan awa qalîteyin bişime şewe û roje xebatanê xo domneno.

Mşdurîya Pêroyî yê DÎSKÎ semede 22 projeye dewan û taxanê Bêjayî rê xebatanê awa şimitişî, şebekeye kanalîzasyonî û awa şilîye 145 mîlyon 801 hezar û 937 Tl cîya kerd.

DÎSKÎ taxanê bêja û dewan de emser pê 115 mîlyon û 697 hezar û 355 TL sermayegozarî 28 proje qedîna.