Şewatkaranê ke bine banê Serekîya Dayîreyê Îtfaîya de dest pğê wezîfeyî kerde rê perwerdeyê oryantasyonî dest pêkerd.

Şaredarîya bajarê Girdî ya Dîyarbekirî pê şirikîya BEM-BÎR-SENî şewatkarê newe ke dest pê wezîfe kenê rê perwerde serrast kerd.

Walî Munır Karaloglu Merkezê Kultur û Kongreyî ya Alî Emîrî de tewrê perwerdeyê şewatkaran bî û da zanayene ke şewatkarî meslegêko zaf pîroz o û bade wina vat : “Îtfaîyacî semedê asayîşê gan û malê şarî 24 saet 365 roje mîyanê zehmetîyan de wezîfeyê xo bi hawayo serkewte anê ca. Şewatkaran ganê xo erzeno werte semede ganê hemwelatîyan aye ra zî şewatkarî wezîfeyêko zaf pîl o.”

Karalogluyî da zanayene ke pê 75 şewatkarê newe omarê şewatkaran bajarî ma de bî 320. Karalogluyî qalîkerdişê xo wina domna: “Şareadrî 15 hezar û 200 kîlometreyin ca de 17 qeza de wezîfe keno.Merkezê bajarî ra bigîrê en dewa Bêja de zî ganî hemwelatê ma estene Serekîya Dayîreyê Îtfaîya hîs bikerê.”

Karalogluyî vîr vîst ke 75 şewatkarê newe mabênê 492 kesan ra ameyê weçinîtene. Karalogluyî kîfş kerd ke mesleğe şewatkarî de tecrübe cayêko girîng der o.

Karalogluyî: “Personelê ma yê tecrubeyin resnayişê şewatkaranê newe de ganî zaf balkeşî bixebitîyê.Nê embazêne ma hetanî nika teyna kitaban ra çîyê teorik musayî û nika nê çîyan pratik de zî bimusê. Her embazê ma goreyê zerrîyê xo sporêk bivirazê.Kesê ke sporê koye, asnawberîye yane kam çi sporî hes kenî goreyê zerrîyê xo sporêk bimusê. “

Perwerdeyê şewatkaran Merkezê Kulturî ya Alî Emîrî de 3 rojî dewom bikero.Çarçiwa xebatan de Perwerdekarê Unîversîteya Yildirim beyazitî Oğr. Gör. Tarkan Zengın, Fakulteya Zanayişê Asayişî Oğr. Gör. Dr. Ulku Nur Zengın û Araş. Gör. Betul Bıçen Gorene do babetê pawitişê sîvîl û şewatkarî, ziwanê bedenî, îdarekarîyê krîzî, erjeyê etîk, îdareyê hersî û têkilîyê de perwerde bidê şewatkaran.