Şoforanê cinî yê ke mabênê bajarî de wesayîtê komresî ramenê wezîfeyê xo bi hewaya serkewte virazenê.

Binê banê Serekîya Dayîreyê Resî ya Şaredarîya Girdî şoforanê cinî mabênê bajarî de wesayîtê komresî ramenê.

Şoforanê cinî hemverê problemanê ke trafîk de ancenê û na mesleg sey kar û güre camêrdan yeno vînayiş, xebatanê xo pê teşwîkê hemwelatîyan hewaya serkewte virazenê.

Şofor Songul Varan( 36 serrî ya) pê ferasetêko “ Eke cinî biwaze şênê heme çi biviraze” wezîfeyê xo ana ca û pê xîretê xo bena nimune.

Varane da zanayene ke şoforî meslegêko zaf westîyar o û 9 serrî yo ke wezîfeyê xo pê keyfweşî virazena. Di gedeyê Varane esta û Varane : “Gegane ma zaf betilîyenê labele zafêrê rojan de zî ma vanê werre ke ma ina karî kenî” vat.

Varane bal ont giringiya ina xebate de esteyê cinîyan û bawer kena ke ganî cinîyan ina xebatan di ca bigîrê.

“Karê en zehmet dayiktî ya”

Varane îzeh kerd ke dema ke newe dest pê ina xebate kerda zaf zehmetî anta û hetê tayê kesan raştê cîyakarî ameya la nika linganê xo ser de ya û Varane wina vat : “Goreyê mi ina cîhan de kar u gure en zehmet dayiktî ya.Dayiktî zî wezîfe nîya ganî şima pê zerrîya xo biwirazê.”

Varane da zanayene ke qeza û serebûtan de kes qezayî nêewnîyeno ewnîyeno ke ti cinîya û sebebê qezayan zî cinîbîyayiş a.Varane : “Kes vano qey ganî seba ramitişê wesayîtan caMêrdî şert a. La wesayît makîneyêk o.Makîna nêvano ke ti cinî ya mi nêramê” vat.

Cinîyan werebe xo anê ma

Varane bade wina vat : “Tayê vanê ke şima qey ameyê tîya,şima tîya de sekeni la tayine zî vane werre ke şima wesayîtê komresî de xebetiyenî. Tayê ciNîyan werebe xo anê ma , wexta ke yene û ma tîya de vînenê ê zî wazenê ke perwerde bigîrê û ina karî bikerî. Ê zî serfirazî wazenê. Ma wazeme ke vere inak arî seba cinîyan a bo.”