Di bin banê Şaredariya Bajarê Mezin de li Birca Keçikê, ji boneya xwarinên herêmê bi turîstên xwecihî û biyanî bidin nasandin perwerdeya gastronomî bo jinan hatibû destpêkirin, sertîfîkayên beşdaran hatin dayîn.

Şaredariya Bajarê Mezin, bi hevkariya Gerînendetiya Çandê û Turîzmê û Serokatiya Kargêriya Geşedanê ya Herêma GAP’ê di çarçoveya “Projeya Bikaranîna Bikêr a Birca Keçikê” xebatên ji bo îstîhdamkirina jinan dimeşîne.

Şaredariya Bajarê Mezin, li Birca Keçikê berê xebatên hawirçakiyê meşandin û wê derê ji bo xebatên çand û hunerê terxan kir, paşê li ser bircan perwerdeya gastronomiyê ku pêşkêşî turistin xweyanî û biyanî bikin ji bo jinan da destpêkirin û ev qura perwerdeyê bi encam hat.

Merasîma sertîfîkadanê li Navenda Çandê û Kongreyan a Sezaî Karakoç hate lidarxistin û 100 jinan sertifikaya bi tescîl ya pahtina xwarinên Diyarbekirê wergirt. Hilbijartin ji aliyê jurîyeke serbixwe ve hate kirin û di encamê de 4 beşdaran dezgeha firotina xwarinan qezenc kir.

Seroka Daîreya Xizmetên Jinan û Malbatê Ayşe Handan Eker, diyar kir ku Şaredariya Bajarê Mezin ji bo jin xurt bibin û baweriya wan bi wan û keda wan zêdetir bibe, di her warî de xizmetê dimeşîne.

Ji ber keda kursiyeran Eker spasiya wan kir û weha axivî:

“Em her demekê li ba we ne. Heta ji destê me tê em dixwazin vê civakê xurttir bikin û ji bo siberojê hê jiyaneke xweş bijîn em ê tim bi we re bin. Vê xebatê çanda me ji duh anî û dê bigihîne siberojê. Vê asoyeke nû li ber me vekir. Ji bo siberojeke baştir, jinên şa, aram û saxlem lazim in.”