Çarçewaya Forumê Aştî û Azadîya Komelkîye de atolyeya "Cayê Xo Ra Bizorî Bîyayîşî Reyde Pîyaciwîyayîş: Herêma Kurdistanî de Edalet, Agêrayîş û Pêameyîşê Komelkî" ameyî viraştene.

Qiseykerdişan de ke atolye de ameyî kerdene, babetê cayê xo ra bîyayîş, penaberî, pêameyîşê komelkî û polîtîkayê agêrayîşî ser o erjnayîş ame kerdene.

Beşdarê atolyeya ke Şûbeyê Amedî yê ÎHD'yî de ame viraştene, Hemşaredara Amedî Serra Bucak, Walîyê Hewlêrî Omid Xoşnav, Walîyê Duhokî Ali Tatar, akademîsyenî Dr. Jiyar Aghapour, Sabrin Hussein Ali û Dileen Serdar Zuhdi, û temsîlkarê rêxistinanê komelê sîvîlî bîyî.