Bi hemkarîya Şaredarîya ma ya Şaristanê Girdî û Şaredarîya Farqînî, Şayîya Serhivdeyî ke şîyarbîyayîş û bereketê wisarî sembolîze keno, Taxa Kumgolu ya qezaya ma ya Farqînî de dest pêkerd.

Roja yewine ya şayîya ke bi beşdarîya Hemşaredarê Şaredarîya Farqînî Sevîm Bîçîcî û Kadrî Esen, Sereka Daîreya Kultur, Huner û Karanê Komelkîyan Zeynep Yaş, temsîlkarê rêxistinanê komelê sîvîlî û partîyanê sîyasîyan û zaf hemwelatîyan ame viraştene; dîwanê dengbêjan ke adetê ma yo feklî yo, ronîya û musabeqayê estoran ameyî organîzekerdene.

Standanê ke warê şayîye de ke tede vîrê ma yê kulturî yê qedîmî û pîyabîyayîşê ma yê komelkî bîyî, hemwelatîyanê ma rê loqûm, hine û mûmî sey pêşkêşê ke sembolanê ma yê kulturî eşkera kenê, ameyî dayene.