Hemşaredarê Amedî Dogan Hatunî qezaya Farqînî de warêko ke varanê vizêrî reyde laser tede qewmîyayo, cigêrayîş kerdî.

Hatunî, verê cu şî Şaredarîya Farqînî û Hemşaredar Kadrî Esenî reyde ame têhet.

Zîyaretê şaredarîye ra dima Hatun ke şî waran ke laserî ra tesîr girewtbî, warî de cigêrayîşî kerdî. Hemşaredarê ma ke bale ante ser o qeza de 10 serranê vîyarteyî de xebatê binawanî bi hewayêko baş nêameybî kerdene û bi nê sebebî tesîsê mewcudî hewcedarîyan nêanê ca û va: "Ma kêmanîyî tesbît kerdî, seba ke varanî ra dima nê tewir laserî reyna nêbê, ma do binawanîye bi hewayêko hîna xurt awan bikerê."

Hatunî, taxê ke laserî ra tesîr girewtî, yew bi yew zîyaret kerdî, esnaf û hemwelatîyan reyde ame têhet û mesajê piştîpêdayîşî dayî.