Şaredariya Bajarê Mezin a Amedê, ji bo ku geştên dayikên şîrdar ên ku bi otobusê rêwîtiyê dikin û bebekên 0-2 salî ewletir, hêsantir û rehettir bike, li Kargêriya Termînala Bajarên Mezin a Amedê (DÎŞTÎ) "Cihê Pişgiriya Dayik û Bebikan" vekir. Navend, hewcedariyên jinan ên ku ji keda xwedîkirinê dertên pêş nîşan dide û xizmetên bingehîn ên ku dibe ku dayik û bebek di dema rêwîtiyê de hewcedar bin, li yek xalê û bi awayekî bêpere pêşkêş dike.

Ev navend bêyî ku budçeya şaredariyê bête bikaranîn û bi alîkariyên dilxwazî hatiye avakirin, û hemû xizmetên tê de ji aliyê xebatkarên jin ve tên meşandin.

Hewcedariyên pêwîst li yek navendê ne

Di navendê de ku li cihekî guncav ê otogarê hatiye avakirin; odeya şîrdana zarokan, odeya bêhnvedana dayik-bebikan û qada guhertina binê zarokan (canpêçan) heye. Her weha pîvandina taya bebikan, pîvandina tansiyona dayikan, di dema hewcedariyê de pişgiriya amûra hilmê (nebulîzator) û dema ku pêwîstî hebe xwarina bebikan (mama) û canpêç (pot) bi awayekî bêpere tên dabînkirin.

Di navenda navborî de her weha "bankeya canpêç û xwarina bebikan" jî cih digire. Canpêçên jimare 1, 2, 3 û 4, bezên nexweşan, pedên jinan û ligel vê xwarinên bebikan (mama) yên guncavî komên temenên cuda, bîskvîtên şîr û amûrên din ên hewcedariyên bingehîn ji bo karanîna dayikan tên pêşkêşkirin.

Şaredariya Bajarê Mezin a Amedê armanc dike ku vê xebatê, di rûmeta hewcedariyên ku di demên pêş de derkevin holê de, hîn zêdetir berfireh bike.