Şaredarîya Amedî ya Şaristanê Girdî, bi amancê ke hemwelatîyê ma waştiş, pêşnîyaz û fikranê xo rasterast birasnê îdareyê şaredarîye, dewam kena ke pêdîyayîşanê şarî organîze bikera.

Pêdîyayîşo ke hetê Serekîya Daîreya Çapemenî, Weşan û Şarî Reyra Têkilî ra yeno organîzekerdene, çarinê ci Taxa Ferît Koşkî ya qezaya Yenîşehîrî de ame viraştene.

Pêdîyayîşî de Hemşaredarê ma Serra Bucak û Dogan Hatun, Hemşaredarê Şaredarîya Yenîşehîrî Safîye Akdag û Mehmet Ergun, Hemserekê Bajarî yê DBP'yî Ahmet Dogan, endamê meclîsî û serekê daîreyan û hemwelatîyê ke taxe de ronişenê, beşdar bîyî.

Hemşaredaran bi fehmê aqilê hemparî, piştîpêdayîş û îdareyo beşdar bale ante ser o ke do problemanê taxe û şaristanî pîya tesbît bikerê û çareserîyan peyda bikerê.

Hemwelatîyan zî waştişê xo yê derheqê dermankerdiş, binawanî û kanalîzasyon û krêş û warê gedeyan ê kayan de îfade kerd.