Şaredarîya Bajarê Girdî ya DÎyarbekirî qezaya Pîranî de xebata awankerdişê Baxçeyê Şarî qedînay û 4 hezar metrekare ca ser o baxçe ame awankerdiş.

Şaredarîya Girdî semedo ke cayanê zergûnînan zêde bikero û hemwelatîyan teber de wextê xo hîna weş biveynê xebata awankerdişê park û baxçeyan domneno.

Serekîya Dayîreyê Park, Baxçe û Cayanê Zergûnînan ya Şaredarîya Girdî qezaya Pîranî de 4 hezar metrekare ca ser o Baxçeyê Şarî awan kerd.

Baxçe 2 hezar û 900 metre cayê zergûnî û 640 metrekarê cayê huşk ra virazîya û cîya-cîya dar û vile ronîya.

Semedo ke hemwelatîyan saetanê şewe de zî rehet bikerê dîregê roşnîkerdişî zî ronîya.