Saya Kursanê Perwerdeyê Mesleg û Senetî ya Şaredarîya Bajarê Girdî ya Dîyarbekirî (DÎSMEK) Cinîyî Farqînij mesleg musenê.

Kursanê e bine banê DÎSMEKî de yenê akerdiş hetê Farqînijan raştê eleqeyêko hewl yenî.DÎSMEK qezaya Farqînî de Serekîya Dayîreyê Xizmetanê Sosyal û Kulturî xebate kena. Kursanê DÎSMEKÎ yê pastacîtîye,berberî, deştişê cilan,trikotaj,cil û Quran-î Qerîmî ra 142 cinîyî îstîfade kenî.

Qursîyerî ke bi serkewte qursê xo biqedînê sertîfîkayê hetê Wezaretê Perwerde ya Milı(MEB) testîq kerde yo, dîyeno înan.

Hemwelatê ke wazenê kursan ra îstîfade bikerê eşkenê Atolyeya Senetî ya DÎSMEKî de qeydê xo bivirazê.Kursan mabênê hewteyî de virazîyeno.

“Ma mesleganê bê emr musenê”

Kursîyer Nergız Guneşe ke atolye de berberî musenê, îzeh kerd ke aye do saya kursê şaredarî mesleg bimusa. Guneşe badê qalîkerdişê xo wina domna : Bêgûman armancê ma estê û ma pê destegê mamostayanê xo game bi game şîne armancê xo ser. Mi newe dest pê kurse kerd la mi zaf çi mîyê berberî musa.Ciewnîyayişê makyaj û porî yê cinîyan nêqedîyeno aye ra ez meslegêko bê emr musena”

“Qedîyayişê kurse de ma sertîfîkayê xo gênî “

Kursîyer Şevîn Karadeniz zî da zanayene ke saya ina kurse de mesleg musena. Karadenize bade qalîkerdişê xo wina domna: “Verê cû zî hewesa mi berberîyê de estbî mi embazanê xo ra erşawit ke kurs abîyo na ser o mi qeydê xo viraşt.Ez tîya de heme teknîkanê por û makyajî musena.Qedîyayişê kurse zî ma eşkenê hem kargehê xo akerî yan zî bixebitê.”

“Ma tîya de pê keyfweşî pastacîye musenê”

Lale Tutaye ke pastacîtîye musenê aşkera kerd ke semedo ke hobîyê xo biçarnê zanaatî ameya tîya û bade wina vat: Mi musa ke nê perwerdeyan bêpere dîyeno ez ameya û mi qeydê xo viraşt. Ma ewro viraştişê pasta musenê. Ma çîyê ke tîya de musen^ekeyeyanê xo de seba mêmananê xo virazenê û ê zî zaf ecibnenê û wazenê ke bêrê tîya de bimusên.Ma tîya de pê keyfweşî pastacîtîye musenê.”

“Ma kursan pêşnîyazê herkesi kenî”

Kursîyer Yasım Kuçuke zî da zanayene ke semedo ke ina mesleg de pîspor biba ameya tîya. Kuçuke aşkera kerd ke musayişê pastacîtîye ver zaf keyfweş a û bade qalîekrdişê xo wina domna : “Ez keye de zî mutbaxe ra hes kena û la ma Tîya de perwerdekaranê pîspor ra musenê. Ma nê kursan pêşnîyazê herkesi kenî.”