Wezaretê Kultur û Turîzmî ya Dîyarbekirî semedo ke kultur û tarîxê ma rê wayîr bivejê û şexsîyetî ke edebiyat, tîyatro,sînema û muzîkî de vejîyeno werte bide daşinasnayiş programê “Baskê Rojhelatî” serrast keno.

Bi wayîrîyê Walîtîya Dîyarbekirî û Şaredarîya Girdî de berhemê Feqîyê Teyran,Mela Ehmedê Cizirî û Mela Ehmedê Xanî bêrê daşinasnayiş.

Çalakî mabênê 28-30ê Nîsane de pê panelê Lijne ya Tarîxê Tirk yê Unîversîteya Dîcle dest pê bikero û Midurîya Pêroyî yê Kitabxane û Çapan berhemê înan çap bikero.Program de performansê Koroyê Muzîkê Tirkî ya Dewlete û dokumentarê Midurîya Pêroyî yê TRT “Tehetamayîşê Di Çemî” ca gêno.

Kombîyayişê Daşinasnayişê “Baskî Rojhelatî”

Kombîyayişê Daşinasnayişê “Baskî Rojhelatî” Merkezê Kultur û Kongreyî ya Sezaî Karakoçî de virazîya.

Kombîyayiş Rê SerŞewirmenda Serekkomar Gulşen Orhan, Serekê Lijneyê Tirk Tarîx Porf.Dr. Bırol Çetın, Midurê Pêroyî yê Kitabxane û Çapan yê Wezaretê Kultur û Turîzmî Alı Odabaş, Rektorê Unîversîteya Dîcle Prof.Dr.Mehmet Karakoç û Koordînastorê TRT Kurdî Kemal Gumuş beşdar bîyî.

Kombîyayiş de Hetkarê Wezîrê Kultur û Turîzmî Mısbah Demırcanî qalîkerd û kîfş kerd ke ina program şexsîyetî ke medenîyetê ma gird kerdo, vejîyeno mîyan.

Demırcan bade qalîkerdişê xo wina domna: “Nê şexsîyetî pîl berhemê xo Kurdî nuşt ê û nînan kulturê ma de cayêko girîng der o. Programê “Baskî Rojhelatî” hem Tirkî hemz î Kurdî bêra viraştiş.Program de ma do hem Tirkî hem zî Kurdî goşdarî bikerê. Ma do fîlmanê kurdî temaşe bikerî û kitabî kurdî bideme saşinasnayiş. Nê çalakîyanê en normal nêzdîyê vîst serrî ver xeyal Bî. Ma pê cesaret û game bi qerarin ameyê ina merheleyî.Înşallah ma do zaf aver şêrê.”

Qalîkerdişê Demırcanî ra dima Walîyê Dîyarbekirî Munır Karaloglu qesey girewt û kîfş kerd ke berhemê Feqîyê Teyran,Mela Ehmedê Cizirî û Mela Ehmedê Xanî bêrê daşinasnayiş û bade qalîekrdişê xo wina domna : “Ma do Midurîya Pêroyî yê Kitabxaneyî ya Wezaretê Kultur û Turîzmî reyde protokol îmza bikerî. Hetanî nika Wezaretê Kultur û Turîzmî 6 berhemê ke sey klasîkê kurdî hesibnenê çap kerd. Nînan ra Hîre hebî zî pê hemkarî virazîya. Ma pê îmaknanê Şaredarîya Girdî desteg daye Wezaretê Kultur û Turîzmî û ma nê berhemî Kurdî û Tirkî çap ekrd.Ma do nika ra pey nê berhemî semedo ke biresê heme hemwelatîyan çap bikerî.”