Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ), semedê safîkerdişê arizayê pompeyê awe ya Îstasyonê Awbenda Dîcle de xebatanê xo bê mabên domna û ariza ame temîrkerdiş.

Ekîbê Dîskî çarçiwa xebatan di leteyê pompeyê xirab vurnayî û xebata ciewnîyayiş û temîrî 5 saet dewom kerd.Pêynîya xebatan di montajê pompeyî virazîya û problem ame safîkerdiş.

Midurê Pêroyî yê Dîskî Fırat Tutşı, xebata qezaya Gêlî Îstasyonê Awbenda Dîcle ca de sehna û derheqê xebatan di agahî girewt.

Tutşı kîfş kerd ke semedo ke hemwelatîyan aşmê hamnanî de hetê awe de zehmetî nêancê arizayan ca de yenê safîkerdiş.

Tutşı da zanayene aşmê zimistonî de 270 hezar metrekup, aşmê hamnanî de 300 hezar metrekup awe dîyeno bajar û bade qalîkerdişê xo wina va : “Ewro xebatkaranê ma xebatêke zaf serkewte viraşt.Arizayê ke vejîya ca de safî kerdê û hemwelatê ma mexdûr nêbîyî.”