Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ) qezaya Sûrî de cayanê ke newe îlaweyê bajarî bîyî de 12 kîlometre xetê kanalîzasyonî û 11 kîlometre xetê awa şimitişî bivirazê.

Midurîay Pêroyî yê DÎSKÎ seemdê safîkerdişê problemê awa şimitişî û binawanî xebatanê xo bê mabên domneno.

Ekîbê Dîskî semedo ke problemê binawanî yê taxanê Qitilbil û Yıgıtçavuşî safî bikero dest pê xebatan kerd.

“Ma do demêko nêzdî de îhale abikerê”

Midurê Pêroyî ya DÎSKÎ Fırat Tutşı da zanayene ke cayanê ke newe îlaweyê bajarî bîyî de xebata fîzîbîlte yena viraştiş û pêvînayişan ra dima prosesê Îhaleyî dest pê bikero.

Tutşı aşkera kerd ke merheleyê îhaleyî de semedê xetanê awa şimitişî û kanalîzasyonî xebatan dest pê bikero û eke xebatan temom bibê probleme binawanî ya Sûrî biqedêyo.

Tutşı bade wina vat : “Bajarê ma game bi game aver şino û ma semedê binawanîyêko hîna weş şewe û roje xebetîyenî. Sermedê serawanîyêko hîna weş û zexm ganî binawanîyê ma zexm bibe. “

Tutşı kîfş kerd ke semedê averşîyayîşê bajarî ma projeyê ma yê zaf girîng estê.