Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî semedo ke verê îsrefbîyayişê awe bigîre, humarkerî kargeh û keyeyan pê humarkerî neweyî vurneno.

Midurîya DÎSKÎ ya Şaredarîya Girdî semedo ke heqanê hemwelatîyan bipawê û verê îsrefbîyayişê awe bigîre hem merkeze bajarî de hem zî qezayon de xebatanê xo domneno.

Dîskî pê humarkerê neweyî, kargeh û sîteyê ke awe zaf xebbitnenê de verê îsrefbîyayişê awe gêno.

Ekîbê Dîskî do 996 heb humarker merkezê bajarî de 147 heb zî teberê bajarî de monte bikerê û semedê pawitişê na awa qitmeyine xebatanê xo bidomnê.

Saya humarkerê neweyî qeçaxê fîzîkî zî hîna asan bêra tespîtkerdiş.