Hunermendê Konservatuarê Şaredarîya Bajarê Girdî ya Dîyarbekirî semedê hemwelatîyan konserêk serrast kerd.

Şaredarîya Girdî çarçiwa çalakîyê Sezonê Senet û Kulturî ya Feqîyê Teyranî de cîya-cîya aktîvîteyan tertip kena.

Serekîya Dayîreyê Karanê Kultur û Sosyalî ya Şaredarî çarçiwa xebatanê kultur û senetî de hunermendê konservatuarê şaredarî aşma Sibate de konsere sifte serrast kerdbî û aşma Adare de zî reya diyîn virazîya.

Konser Merkezê Kultur û Kongreyî ya Sezaî Karakoçî de virazîya û konser hetê hemwelatîyan raştê eleqeyêko hewl ame.

Konsere pê tewrê Hunermend Bedrî Ayseli û 16 cîya solîstî virazîya. Mamostaya Muzîkî Elıf Tunç da zanayene ke bajarê ma pê nê aktîvîteyan bena rengîn.

Wendekarê Beşa Muzîkî Alı Cin zî da zanayene ke aktîvîteyê şaredarî taqîp keno û ma nê xizmetan ver spas kenî.