Aşma Remezanî de hetê Şareadrîya Bajarê Girdî ya Dîyarbekirî fitar û paşîv dîyeno mêmananê ke,Mêmanxaneyê Şaredarî de manênê.

Mêmanxaneyo ke 136 ode û 391 nivîn qapasîteyin o û semedê merdimanê nêweşan hetê Şaredarîya Bajarê Girdî ya Dîyarbekirî ra serra 2017 de ameyo hadrekerdiş,

Xebatkaranê Serekîya Dayîreyê Xizmetanê Sosyal ya Şaredarîya Girdî semedo ke hemwelatîyan mêmanxane de hîna rehet bikerê çi deste înan ra yeno texsîr nêkenê.

Ma kesê ke teberê bajarî ra yenî kenî mêman

Serekê Dayîreyê Xizmetanê Sosyal ya Şareadrî Hayrullah Akyıldızî kîfş kerd ke Mêmanxaneyê Nêweş û Keyeyanê Nêweşan ya Şaredarîya Girdî, de hemwelatê ke teberê bajarî ra yenê kene mêman. Akyıldızî bade wina vat: “Seke yeno zanayîş dorûverê Dîyarbekirî ra gelêk kesî nêweşanê xo ardêne Dîyarbekir la cayê mendişî çin bi. Bi no qayde semedê merdimanê nêweşan problemê cayê mendişî nêmend.Kesê ke tîya de manenê û nêeşkenê şêrê memlekete xo ma rê sey mêman ê.

Akyıldızî da zanayeen ke Şareadrîya Girdî aşma Remezanî de xebatanê xo domneno û bade qalîkerdişê xo wina domna: “Xeylê destegê Şaredarîya girdi estê. Ma werd benê keyeyê astengdar û extîyarî ke muraacatê ma kerdo.heto bîn ra ma vilakerdişê germî û îqramîyan domnenê. Ma demê fitare de sandviç,awe û xurme îqramê hemwelatîyan kenî ke ê fitarê xo abikerê.

Midurê Mêmanxaneyê Nêweş û keyeyanê Nêweşan ya Şaredarî Ayfer Elaltintaş da zanayene ke sey keyeyanê înan xizmet dîyeno mêmanan. Mêmanxane de cayê kincşutişî, odeyê rayberî, revir, awa germ û aşxane estê yan^ehemwelatîyan tîya de sey keyeyê xo de yî.”

Merdimê nêweşan êyê ke mêmanxane de manenê nê xizmetê şaredarî ra zaf razî yê. Senem Kayaye ke emre aye 65 serrî ya û mêmanxane ra îstîfade kena da zanayene uca de keyfe aye ca de yo û fitar û pşaîvan hetanî linganê înan ver yena.

Refakatker Hasan Yalçinî zî kÎfş ekrd ke xebatkaranê mêmanxaneyî ver zaf keyfweşî û badê wina vat: “Ez qezaya Hezo ya Êlihî ra yena. Kênaya mi qelpê xo ver emelîyet bî. Ez 8 rojîyo ke tîya de fitar û paşîve wena. Ma personel û xebatanê tîya ra zaf razî yî.Ma heem îmkananê tîya ra îstîfade kenî.”