Gedeyî ke bine banê Şaredarîya Bajarê Girdî ya Dîyarbekirî de wanenê, bi cîya-cîya çalakîyan 23ê Nîsane Roşanê Gedeyan pîroz kerd.

Gedeyî ke emre înan mabênê 4-6 serrî de yî û kreşanê Serekîya Dayîreyê Xizmetanê Sosyal ya Şaredarîya Bajarê Girdî ya Dîyarbekirî de wanenê bi wesîleya 23ê nîsane Roşanê Gedeyan Merkezê Kultur û Kongreyî ya Sezaî Karakoçî de ramojnayîşêk viraşt.

Gedeyî pêro pîya deyran vat, kay kerd û mirda xo keyf kerd.

Ramojnayişê “Aşik Maşuk” pê vatîşê deyran qedîya.

Çalakî rê Sekreterê Pêroyî yê Şaredarî Vedat Gungor, Serekê Dayîreyê Xizmetanê Sosyal ya Şaredarî Hayrullah Akyıldız, midurê şaxanê kreşan û keyeyanê gedeyan beşdar bîyî.

Gedeyî ke bine Banê Zanayişî de wanenê zî biw esîleya 23ê Nîsane resîm viraşt.

Çalakî de gedeyî stran û şîîran vat û govend ont.Ramojnayişê erbane ya gedeyî hetê temaşekerdoxan raştê eleqeyêko weş ame.