Şaredarîya Bajarê Girdî ya Dîyarbekirî semedo ke aktîvîte û çalakîyanê sosyal ra gedeyî ke teberê bajarî de ronişenê zî îstîfade bikerê xebatanê xo domneno.

Serekîya Dayîreyê Xizmetanê Spor û Ciwanan ya Şaredarîya GirDî na rey zî qezaya Erxenî de gedeyon sînema reyde ard têhet. Gedeyî pê servîsanê şaredarî mektebanê înan ra girîya û 500 gedeyî pêro pîya “Malazgırt 1071” temaşe kerd.

Ekîbê şaredarî çalakî de gedeyî rê lazute îqram kerd.

“Mi hem mirda xo keyf kerd hem zî çîyê neweyî musa”

Wednekar Berat Yılmazî da zanayene ke hem mirda xo keyf kerdo hemz î sînema ra çîyê neweyî musayo.

Zulal Ergezene zî kîfş kerd ke saya fîlme de rojêke weş vîyarnaya û “Ma dewanê Erxenîd e ronişenê aye ra ma zaf nêeşkenî bêrê tîya û ewro saya fîlme de ma ameyme tîya û vere hewteyê îmtîhonan ma rojêke weş vîyarna.

Seba psîkolojîyê gedeyan baş o

Mamostayê rayberî Mehmet Sarı da zanayene ke temaşekerdişê fîlman semedê psîkolojîyê gedeyan girîng o. Sarı kîfş kerd ke zafanê gedeyan reya sifte fîlm temaşe kerdo.

Şaredarîya Girdî hem merkeze bajarî de hem zî teberê bajarî de semedê resayîşê gedeyan aktîvîteyanê xo bidomno.