Şirikîya Şaredarîya Bajarê Girdî ya Dîyarbekirî û Yêwîya Şaredarîyan ya Mintiqa Başûrê Rojhelatî perwerdeyê binge ya îtfaîya virazîya.Perwerdeyon ra dima semedê îtafîyekaran gêyrayîşêk ame serrastkerdiş.

Şaredarîya Bajarê Girdî ya Dîyarbekirî semedo ke îtfaîyekaranê ke seba perwerdeyon ameyî bajarê cayanê tarîxî û turîstîkî bivînê çalakîyêk serrast kerd. 19 îtfaîyekarî tewrê çalaki bîyî û îtafîyekaran qezaya Gêlî de cayanê tarîxî di gêrayî.

Rayberanê ke Serekîya Dayîreyê Karanê Kultur û Sosyalî ser o xebate kenî, derheqê cayanê kulturî de agahî dayê îtfaîyekaran.

Ahmet Ertaş o ke Îtafîyaya Şirnaxî de xebetîyeno, da zanayene ke perwerdeyî de derheqê zanayîşê vêşayîş û şewatî de agahîyê zaf girîng musayo û badê çalakîyê gêrayîşî ver keyfweşîyê xo ard ziwanê xo ser.

Îtfaîyekar Tuncer Hare yo ke Îtfaîyaya Pertekî ya Dêrsîmî ser o xebetîyenokîfş kerd ke tîya de derheqê teknîkê honekerdişî û ûsb zaf babete de aver şîyo û bade qalîkerdişê xo wina domna : “ Ma tîya de tewrê vêşayîş û şewatan musayî. Ma madeyê tehlukeyînî, qezayanê trafîkî û laserî rê mudaxaleyî, serebûtan de binê xirbeyan de cigêrayîş û xelisnayîş, talîmatnameyê îtfaîya û hîna zaf babete de aver şîyê.”