Şaredarîya Bajarê Girdî ya Dîyarbekirî semedo ke wa kurmê hevrişîmîye û aqitê tuye bikero qewetin citkaran rê 20 hezar şitilê tuye û 35 hezar û 560 heb zî şitilê vame vila kerd. Walîyê Dîyarbekirî Munır Karaloglu tewrê merasÎmê vilakerdişê şitilan bî.

Merasîm Midurîya Makîna Îqmal de virazîya û Walî Munır Karaloglu tîya de qalîkerdişêk viraşt. Karalogluyî qalîkerdişê xo de bal ont giringîya bereketê herreyê ma.

Karalogluyî da zanayene ke her wext kişta citkaran de yo û bade wina va : Wezaretê Zîret û Daristanan, Serekîya Îdareyê GAPî, Şaredarîya Girdî û şaredarîyê qezayon reyde kişta citkaranê xo de yî.”

Karalogluyî vîr vîst ke bajarê ma de heywandarî û zîret hetê debare hemwelatê ma cayêko girîng der ê û aye ra xebatan de zî giranî dÎyeno înan ser.

Karalogluyî kîfş kerd ke hetê şaredartîya esas û sosyal xebatanê pîl virazîyeno û averşîyayişê zîret û bejayî zî xebatan virazîyeno.

Karalogluyî vîr vîst ke Serekîya Dayîreyê Xizmetanê Bejayî ya Şaredarîya Bajarê Girdî ya Dîyarbekirî semedo ke desteg bide citkaran û zîret û heywandarî bikero qewetin hem şitilê fêqîyan hem zî wesayîtan dîyeno citkaran.

Karalogluyî da zanayene ke qîymetê goleke ke hetê Şaredarîya Girdî virazîyayo

bi taybetî aşmê amnonî de bêra fehmkerdiş.Karalogluyî aşkera kerd ke şaredarî temîrê golekan bidomno.

508 hezar şitil bêra vilakerdiş

Karaloglu aşkera kerd ke semedo ke wa desteg bide citkaran 508 hezar şitilê vame, goze,tuye û fistiqe bêra vilakerdiş.

Karalogluyî vîr vîst ke tuye qezayanê Pasûr, Hezro û Farqîn de kurmê hewrişîme de û qezayanê çêrmug û Şankuşî de zî viraştişê aqite de yena xebitnayiş û badê qalîekrdişê xo wina qedînay :” Ma wazeme ke bi taybetî qezayanê bakure de ma fêkîye zêde bikerê û aye ra ma bi na proje kena ke îstîhsalê fêkî bizêdno û zîreto organîk bikero qewetin.”

Merasîm de Midurê Zîret û Daristanan Mustafa Ertan Atalar û Serekê Dayîreyê Xizmetanê Bêjayî ya şaredarî Nıhat Nurbakı zî qalîekrdişêk viraşt.

Eke na proje biqedêyo 7 hezar û 225 dekar vame, 5 hezar û 250 dekar fistiqe, 1.300 dekar goze pêroyî de 14 hezar û 775 dekar baxçeyê fêkî bibo.