Kayê neweyî ya Tîyatroyê Bajarî (DBŞT) ya Şaredarîya Bajarê Girdî ya Dîyarbekirî yo “Komedî Mola” 25ê Sibate roja Yene bêra kaykerdiş.

Serekîya Dayîreyê Karanê Kultur û Sosyalî ya Şaredarîya Girdî her aşme pê cîya-cîya skecan kayê neweyî ya “Komedi Mola” yena hemwelatîyan ver.

Kayan pê 2 kayê Tirkî û 2 kayê Kurmancî yena meydan û Derhênerîya Pêroyî ya Senetî Handan Ekıcı û Dêrhenerîyê kaye Erdal Ayna bivirazo.

Kaye 25ê Sibate saet 20:00 de Merkezê Kultur û Kongreyî ya Sezaî Karakoçî de temaşekerdoxan reyde bêra têhet.

“Ma zafziwanî ser o xebetîyenî”

Derhênera DBŞT Handan Ekici aşkera kerd ke ina sezon de temayê zafziwanî ser o xebetîyena û bade wina vat: “Ma wazeme ke pê kayanê xo keyfe hemwelatîyan bîyarê ca û ina sezon de pê komedi bivejê sehne. Ma kayan de dest pê zafziwanî kerd û ma pê kurmancî dest pê xebate kerd la ma wazeme ke pê ziwanê binî zî kayan bivirazê.”

Ekıcıye kîfş kerd ke semedê pîlan ramojnayîşê kayê “Derî” ya kurmancî û semedê gedeyan kayê “Sihirli Anahtar “û “Elif’in Maceraları” dewom keno.

“Wa wazeme ke firsend bideme ciwananê biqabîlîyet”

Derhênerê kaye Erdal Aynayî zî da zanayene ke ê wazenê ke bajarêko zafziwanî de firsend bidîyo ciwananê ke wazenê pê zafziwanî senetê xo bivirazê. Aynayî badê qalîkerdişê xo wina domna :” Ma pê projeye “Komedî Mola” hedef kenî ke ciwananê ma kaye binusê û badê firsendê kaykerdişî bivînê.Hetê ma de kayanê kurdî zî tirkî zî zaf girîng ê. “

Aynayî pêynîya qalîkerdişê xo de îzeh kerd ke kursan hetê hemwelatîyan raştê eleyqeyêko hewl yenî.