Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî, xebatanê awe ya Keleya Zerzewanî qedînay.

Kelaya Zerzewanî deme Romayijan de ameyo viraştiş û sey sînorê garnîzonî ameyo xebitnayiş. Sewbînan serra 2020 de Lîsteya Mîrasanê Cîhane ya Nuweqet de ca girewtbi. DÎSKÎ, semedo ke awe bikirişe Keleya Zerzewanî û hemwelatîyan uca hîna rehet ziyaret bikerî, projeyêke hadre kerdbi. Netîceyê xebatan de Dîskî 2 hezar û 800 metre şebekeya awe viraşt û xebatan qedînay.

Midurê Pêroyî yê DÎSKÎ Fırat Tutşı da xebatan ca de sehna û derheqê xebatan di agahî daye.Tutşı xebatan ver keyfweşîyê xo ard ziwanê xo ser û wina vat : “Seke şima zî zanenê xeylê turist yenê Kelaya Zerzewanî ziyaret kenî û demêko kilm de tîya de çalaki esta aye ra ma semedo ke problemê awe safî bikerî û hemwelatîyan hîna rehet tîya ziyaret bikerî ma dest pê xebatan kerdbi. Ma hedefkerdbi ke hetanî 10ê Gulane xebatan biqedînê la ma xebatan hîna rew qedînay. “

Tutşı da zanayene ke semedo hemwelatîyan birese awe xebatanê Dîskî do dewom bikero.