Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ), kombîyayişê “Planê Pawitişê Awbenda Dîcle” viraşt.

Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ), semedo ke Çemê DÎcle yo ke çimeyê awe ya bajarî ma yo, bêra pawitiş û hîna pak bireso aje bînan çarçiwa “Planê Pawitişê Awbenda Dîcle” de xebatanê xo domenno.

Akademîsyenî ke verê cû tewrê projeyi bîyîbî û hemparî kombîyayiş de cayê xo girewt.

Kombîyayiş Merkezê Şarî yê Gêlî de virazîya û Midurê Pêroyî yê DÎSKÎ M.Firat Tutşı kombîyayiş de qalîkerd û da zanayene ke nê serranê pêyenan de îklîmî vurîyenê aye ra awe cuya ma de cayêko hîna girîng gêno.

Tutşî aşkera kerd ke çimeyê bin û ser erdî yê awe zî bêpeynî nîyê û awa pak roj bi roj kêm beno û resê awa pak zî hîna çetin beno.

Tutşî aşkera kerd ke saya ina projeyi probleme awa şimitişî ya Dîyarbekirî hetanî serra 2055 safî beno û da zanayene ke pê projeye “Awanîya Awa Şimitişî yê Merhale ya diyîne ya Dîyarbekirî” zî dest pêkerdo.

Tutşî kîfş kerd ke 200 mîlyon lira mesref şino ina xebate û hedef kenî ke hetanî serra 2023 xebatanê xo temom bikerî û bade wina vat “Qedîyayişê ina projeyi probleme awa şimitişî ya Dîyarbekirî hetanî serra 2055 bêro safîkerdiş.Midurîya Dîskî nika Awbenda Dîcle ra awa ke xam gêno pê xeta erşawitişî ya 32 kîlometreyin, Tesîsê Sefênayişê awe de sefêneno û kuweno xizmetê 1 mîlyon hemwelatê ma.”

Planê “Pawitişê Awbenda Dîcle” serra 2023 bêra temomkerdiş

Tutşî vîr vîst ke Awbenda Dîcle 634 kîlometrekare yo û serra 2001 de ameyo akerdiş.Tutşîyî kîfş kerd ke cayê projeyi se ra 70 qezaya Pîranî de, se ra 20 qezaya Gêlî de, se ra 9 qezaya Hênî de û se ra 1 qezaya Erxenî de ca bigîro.Tutşî aşkera kerd ke semedê pawitişê awe û qalîteyê awe xebetiyenî û Tutşî : “Ma ganî Awbenda Dîcle sey çimanê xo bipawê” vat.

Tutşî kîfş kerd ke proje de 19 akademîsyenê pîspor ca gêno.

Feydeyê projeye zaf ê

Tutşî aşkera kerd ke pêynîya ina projeyi de semedê pawitiş û tedbîranê çimeyê awe bire bêro girewtiş.Tutşî qalîkerdişê xo wina qedînay : “Semedê pawitişê hewzeyan û tedbîran hetêk ra zî perwerdeyan bêra viraştiş. Ma zaf keyfweşî ke ina projeyo girîng ma kenî xizmetê şarî û ma wazeme ke ina proje hemwelatê ma rê xeyrin bo.”

Kombîyayiş de Koordînatore Projeyî Prof.Dr.Erdem Gorgun û Endezyarî Berz ya Jeolojî Emet Karamursel,Prof.Dr.Ozgur Sarı, Serekê Dayîreyê Tesîsê Awe ya DÎSKÎ Ramazan Guzel bi nameye Mıdurîya Îdarekerîye Awe de Hasan Bayrak, zî derheqê proje de qalîkerdişêk viraşt.

Kombîyayiş rê Qeymeqomê Gêlî Idrıs Arslan, temsîlkaranê sazgehan û muxtaran beşdar bîyî.