Şaredarîya Bajarê Girdî ya Dîyarbekirî semedê averşîyayişêhingdarî, hingdaran rê malzeme vila kerd.

Walî û Serekwekîlê Şaredarîya Bajarê Girdî ya Dîyarbekirî Alî Ihsan Su merasîmê vilakerdişê malzemeyan de qalî kerd û wina va: “Bajarê ma hetê îstîxsalê hingdarî cayêko girîng der a û wayîrê potansîyelêko pîl a û aye ra zî hem semedê hingdaran hem zî hetê florayî cayêko zaf munasÎb o.”

Merasîmê vilakerdişê malzemeyan Salona Kombîyayîşê Alî Emîrî ya Şaredarîya Girdî de virazîya û Walî Alî Ihsan Su da zanayene ke bajarê ma hem hetê heywandarî hem zî hetê zîretî cayêko girîng der a.

Walî Alî Ihsan Su kîfş kerd ke bajarê ma semedê hingdarî zaf munasib a û bade wina vat : “Bajarê ma hetê îstîxsalê hingdarî cayêko girîng der a û wayîrê potansîyelêko pîl a û aye ra zî hem semedê hingdaran hem zî hetê florayî cayêko zaf munasÎb o.”

Walî Su da zanayene ke semedê averberdîşê hingdarî xebetîyeno û badê qalîkerdişê xo wina domna : “Ma xebetîyenê ke humara kovanan bizednê û hingdarî zî aver şero.Eke hingimênî aver şero hem do qezencê hingdaran zêde bibo hem zî ma çiqas îstîxsal bikerê o qas weş o çimkî hingimên çîyêko bi şifa yo.”

Walî Su kîfş kerd ke bajarê ma hetê tewirê hingîmenî zaf dewlemend o û : “Kişta hingimênê vilan hingimênê karakovanî, uçgulî,zerd,dîken, geven û keklîkî xeylê tewirê hingimênê bajarê ma de estê” vat.

Walî Su kîfş kerd ke hem Şaredarîya Girdî hem hetê Wezaretê Zîret û Daristanî serra 2021 de zî tekneye hingîmênî ra bigîrê hetanî makînaya ditene hingimênî xeylê dest dîya.Ewro zî ma reyna destegêko pîl dane hingimênan..

Ewro ma do hingdaran rê 1000 heb kovan,500 maske, 500 koruk û 500 kîlogram pêtag vila bikerê. Ez bawera ke saya nê destegan û xebetanê şima îstîxsalê hingdaran hîna aver şêro.”

Walî Su vîr vîst ke perwerdeyê hingdaran ra çor serreyê peyên ra nata 200 kesî îstîfade kerdê û hemwelatê ke wazenê îstîfade bikerê zî eşkenê muracatê Midurîya Zîret û Daristanî ya Dîyarbekirî bikerê.”

Merasîm de Serekê Yewîyê Higimênî ya Dîyarbekirî Fahrı Saylak zî qalîkerdişêk viraşt û merasim pê vilakerdişê malzemeyan qedîya.