Şaredarîya Bajarê Girdî ya Dîyarbekirî bi wesîleya Roja Rayberanê Turîstan ya Cîhane de rayberê ke Mêrdîn,Rîha û bajarê ma de xebetîyenî Dîyarbekir de ard têhet.

Şaredarîya Girdî, Midurîya Kultur û Turîzmî ya Bajarî reyde bi wesîleya 21ê Sibate Roja Rayberanê Turîstan endam û Serekê Odeya Rayberanê Turîstan ya Rîha (ŞURO) Dîyarbekir de kerd mêman.

Çalakî de derheqê averberdîşê turîzmî ya hîregoşê zerrin ya Mezopotamya, safîkerdişê problemê rayberanê turîstan û semedo ke markayê “Mezopotamya” bivejo werte pêvînayiş virazîya.

Kombîyayiş de plaket dîya rayberanê Reşıt Akguneş û Mehmet Dalkiliço ke 30 serrîyo ina wazîfe kenî û wayîrê kokartli yo.

Midurê Turîzmî ya Şaredarî Abdullah Aydeniz da zanayene ke semedo ke bajaranê Dîyarbekir, Mêrdîn û Rîha yo ke hîregoşê zerrin ya Mezopotamya de ca gênê aver şêrê, xebatan virazîyeno û bade wina vat : “Ma semedê geşbîyayişê turîzmê bajarî xo hedefanê zaf berz dekerd xo ver aye ra zÎ ma ganî sereye heme xebatan binawanîyê bajarî xo geş bikerê.İna babete de çi deste m ara bêro ma texsîr nêkenê.”

Sereka ŞURO Merve Ofluogluye zî da zanayene ke semedê geşbîyayişê turîzmê bajarî ma xebate kena û bade wina vat: Şaredarîya Bajarê Girdî ya Dîyarbekirî her waxt detegê xo nîşanê ma û endamê ma dano. Eke problemêk bivejo ma ver ma eşkenê ca de biresê şaredarî û safî bikerê. La xebatanê ma teyna daşinasnayişê mintiqa nîya ma heto bîn ra zî acente û qaçaxçîyê turîstan reyde zî mücadele kenî. Mucadeleyê ma de hem Walîtîya Dîyarbekirî ser o Midurîya Kultur û Turîzmî hem Lijneyê TURSABî ya Mintiqa hem zî Şaredarîya Girdî destegê xo texsîr nêkeno.”

Rayberê tuırîstan Mehmet Dalgiliç: “Her bajar de sur, des û qele estê la suranê Dîyarbekirî hem semedê mintiqa ma hem zî semedê cîhane cayêko girîng der o. Şaredarîya Girdî deme pêyenan de semedê geşbîyayişê turîzmî xebate kena.Ez dewamkerdişê xebat û destegan de feyde vînena” vat.

Dîyarbekir wayîrê potansîyelêko pîl o

Dekanê Fakulteya Turîzmî ya Unîversîteya Dîcle Prof.Dr. Serhat Harman wina vat: Dîyarbekir hîregoşê zerrin ya Mezopotamya de ca gêna aye ra hetê turîzmî wayîrê potansîyelêko pîl o. Bitaybetî amayîşê Walî Munır Karalogluyî ra dima Walîtîya Dîyarbekirî sey rayberê hîregoşê zerrin ya Mezopotamyayî bî.Qeleya Zerzewanî rojanê pêyenan de turê turîzmî de zî cayê xo girewt û ez bawera ke bi amayişê wusarî Dîyarbekir hetê turîzmî de pare xo bigîre. “

Sekreterê Pêroyî ya ŞURO Muslum Çobanî zî vîsr vîst ke Dîyarbekir hem hetê arkeoloji de hem zî hetê turîzmê yeqînî de mintiqa Mezopotamya de sey astare biriqîyena.Semedê daşinasnayişê hîregoşê zerrin ya Mezopotamyayî xebatanê ma estê. “

Kombîyayiş rê Serekê Dayîreyê Karanê Sosyal û Kulturî ya Şareadrîya Girdî Ali Çelik, Midurê Kultur û Turîzmî ya Bajarê Cemil Alp, Mufetîşê Yêwîya Rayberanê Turîstan ( TUREB) Mustafa Ozeren û rayberê turîstan beşdar bîyî.