Şaredarîya Bajarê Girdî ya Dîyarbekirî serra 2021 de zî semedo ke xozayî bipawo xebatanê xo domna.

Serekîya Dayîreyê Pawitişê Dorûverî û Kontrolkerdişî ya Şaredarîya Bajarê Girdî ya Dîyarbekirî semedo ke problemê eşteyê huşk ya ponces serrîyan safî bikero projeya EKAYî (Îdareyê Eşteyê Huşk ya Entegre) hadrekerdbi û netîceyê xebatan di Tesîs 5ê Hezîrane Roja Dormeleyî ya Cîhane de ame akerdiş û mabênê 7 aşmî de hetanî nika 1.032,476 MW elektrîk îstîhsal kerd.

Serekîya Dayîreyê Pawitişê Dorûverî û Kontrolkerdişî ya Şaredarî semedo ke hem verê leymînbîyayişê bajarî bigîro û hem zî verê herfîyat û moloz û kerreyan erzenê rayîr û çatreyan bigîro Sîstemê Taqîbê Wesayîtan (HBYS) awan kerd. Ekîbê şaredarî pê ina sisteme heme wesayîtan taqîb kenî û kesanê ke kerra û molozan erzenê dorûverî ca de tespit kenî.

Serekîya Dayîreyê Pawitişê Dorûverî û Kontrolkerdişî ya Şaredarîçarçiwa mewzuatê qelebalixî de gerrayê hemwelatîyan ser o teftîşan viraşt.Ekîbê Serekîya Dayîreyê Pawitişê Dormeleyî û Kontrolkerdişî ya Şaredarî hemeyê bajarî de peymitişê qelebalixî viraşt.Ekîbê şaredarî kargehanê ke teberê mewzuatî de hereket kene tespit kerd û girewt bine qeydî.120 kargehî ke tira vengo zêde amêyene pê tutanak ame îqazkerdiş û 41 kargehî rê zî ceza birna.

Midurîya Pakî qezayê Peyas,Sur,Baxlar û Yenîşehrî de bi taybetî nêweşxane, lijne,cade,kuçe,bulvaran de xebata pakî û dezenfeksîyonî domna.Ekîbê şaredarî çarçiwa xebatan di rojanê taybet û roşanan de goristananê bajarî de zî xebata pakî viraşt.